رام اللہ: اسرائیلی فوج نے مقبوضہ مغربی کنارے پر چھاپوں کے دوران بچوں سمیت کم از کم 35 فلسطینیوں کو حراست میں لے لیا ہے۔ فلسطین لبریشن آرگنائزیشن سے وابستہ فلسطینی قیدیوں کی ایسوسی ایشن اور قیدیوں اور رہائی پانے والے وفد کے مشترکہ بیان میں 7 اکتوبر سے جاری حراستوں کے بارے میں تازہ ترین معلومات شیئر کی گئی ہیں ۔
بیان میں کہا گیا ہے کہ اسرائیلی فورسز نے گزشتہ 24 گھنٹوں کے دوران مغربی کنارے پر چھاپوں میں بچوں سمیت کم از کم 35 افراد کو حراست میں لیا ہے۔
بیان میں کہا گیا ہے کہ زیر غور حراستیں مغربی کنارے کے شہروں یاٹا، بیت ا لحم، جنین اور رام اللہ اور القدس میں کی گئی ہیں۔ بیان میں کہا گیا ہے کہ اسرائیلی فورسز نے چھاپوں کے دوران فلسطینیوں کو مارا پیٹا اور ان کے گھروں اور گاڑیوں کو نقصان پہنچایا۔
واضح رہے کہ 7 اکتوبر سے مقبوضہ مغربی کنارے اور مشرقی بیت القدس میں زیر حراست فلسطینیوں کی تعداد 7305 ہوگئی ہے۔
فلسطینی محکمہ صحت کے حکام کے مطابق اسرائیلی فوجیوں نے منگل کی صبح مقبوضہ مغربی کنارے میں تین فلسطینیوں کو گولی مار کر ہلاک کر دیا
7 اکتوبر کو غزہ میں اسرائیل اور حماس کے درمیان جنگ شروع ہونے کے بعد سے مغربی کنارے میں تشدد میں اضافہ دیکھنے میں آیا ہے۔ اس دوران وہاں اسرائیلی فائرنگ سے 400 سے زیادہ فلسطینی ہلاک ہو چکے ہیں۔
یہ بھی پڑھیں:
