گولان کی پہاڑیوں پر حملے میں 12 اسرائیلی ہلاک، اسرائیل کا حزب اللہ پر الزام، لبنان پر بمباری - Attack on Golan Heights

اسرائیلی فوج کا دعویٰ ہے کہ گولان کی پہاڑیوں میں ایک فٹ بال میدان پر راکٹ حملے میں کم از کم 12 اسرائیلی ہلاک ہوگئے۔ اسرائیل کے مطابق تمام مہلوکین کی عمریں 10 سے 20 سال کے درمیان تھیں۔ وہیں حزب اللہ نے اس حملے میں اپنا ہاتھ ہونے کی تردید کی ہے۔ Rocket attack in Israeli

اسرائیل اور حماس کے درمیان لڑائی جاری ہے۔ اسی بیچ اسرائیل کے زیر قبضہ گولان ہائٹس پر ایک حملے میں 12 اسرائیلیوں کی موت ہو گئی جب کہ کم از کم 19 افراد زخمی ہوئے ہیں۔ ان میں سے 6 کی حالت نازک ہے۔ اسرائیل نے اس حملے کا الزام حزب اللہ پر عائد کیا ہے جب کہ حزب اللہ نے اس کی ذمہ داری لینے سے انکار کر دیا ہے۔ حزب اللہ کا کہنا ہے کہ یہ ہلاکتیں ایک راکٹ کو روکنے کے لیے داغے گئے ایک اسرائیلی انٹرسیپٹر کے پھٹنے کی وجہ سے ہوئی ہیں۔

قبل فوج کا دعویٰ ہے کہ گولان کی پہاڑیوں پر فٹبال کے میدان کو نشانہ بنانے والا راکٹ ایرانی ساختہ فلق-1 تھا اور علی محمد یحییٰ نام کے حزب اللہ کے کمانڈر نے جنوبی لبنان میں شیبہ لانچنگ سائٹ سے اس حملے کی ہدایت کی تھی۔

وہیں حزب اللہ نے حملے کی ذمہ داری قبول کرنے سے انکار کرتے ہوئے ایک امریکی خبر رساں ادارے بتایا کہ یہ واقعہ اسرائیلی اینٹی راکٹ انٹرسیپٹر کے فٹ بال کی پچ سے ہٹ ہونے کے نتیجے میں پیش آیا۔

وہیں اسرائیلی فوج نے گولان پہاڑیوں پر ہلاکتوں کے جواب میں رات بھر لبنان میں حزب اللہ کے ٹھکانوں پر حملہ کیا۔

اسرائیلی فوج نے ایک بیان جاری کر کے مشرقی لبنان میں فضائی حملوں کی تصدیق کی۔ اس نے کہا کہ اس کے جنگی طیاروں نے لبنان میں متعدد اہداف پر اور انفراسٹرکچرز کو نشانہ بنایا۔