نیو یارک: امریکہ کے سابق صدر ڈونلڈ ٹرمپ نے جمعرات کو حماس کے خلاف جنگ پر اسرائیل کو سخت پیغام دیتے ہوئے ملک پر زور دیا کہ اب اسرائیل کو جنگ ختم کرنا چاہیئے۔
قدامت پسند ریڈیو کے میزبان ہیو ہیوٹ کے ساتھ ایک انٹرویو میں، ٹرمپ نے کہا کہ اسرائیل پی آر جنگ بالکل ہار رہا ہے اور اسے خونریزی کا فوری حل نکالنا چاہیئے۔ ٹرمپ نے کہا کہ، "اسے ختم کریں اور آئیے امن کی طرف واپس جائیں اور لوگوں کو مارنا بند کریں۔ اور یہ ایک بہت ہی آسان بیان ہے،" ٹرمپ نے کہا۔ "انہیں اسے مکمل کرنا ہے۔ اسے تیزی سے ختم کریں، آپ کو معمول اور امن کی طرف لوٹنا ہے۔"
جی او پی کے نامزد امیدوار ٹرمپ نے صدر جو بائیڈن کو اسرائیل کی ناکافی حمایت کرنے پر تنقید کا نشانہ بنایا ہے۔ غزہ میں شہریوں کی ہلاکتوں کی تعداد میں مسلسل اضافہ کے چلتے ٹرمپ بھی اسرائیلی فوج کی حکمت عملی پر سوال اٹھاتے ہوئے نظر آئے۔
ٹرمپ نے کہا، "مجھے یقین نہیں ہے کہ جس طرح سے وہ کر رہے ہیں اسے پسند کر رہا ہوں، کیونکہ آپ کو فتح حاصل کرنی ہے اور اس میں کافی وقت لگ رہا ہے۔"
ٹرمپ نے خاص طور پر اسرائیل کے جارحانہ اقدامات کی فوٹیج جاری کرنے کے فیصلے پر تنقید کی۔ پوری جنگ کے دوران، اسرائیلی فوج نے "عسکریت پسندی کے بنیادی ڈھانچے کے خلاف فضائی حملوں اور دیگر حملوں کی ویڈیوز جاری کیے ہیں۔ ٹرمپ نے کہا کہ، "انہیں اس طرح ویڈیو جاری نہیں کرنا چاہئے، یہی وجہ ہے کہ وہ پی آر جنگ ہار رہے ہیں۔
"وہ منہدم ہوتی عمارتوں کے سب سے گھناؤنے، سب سے خوفناک ٹیپ جاری کر رہے ہیں۔ اور لوگ تصور کر رہے ہیں کہ ان عمارتوں میں بہت سے لوگ ہیں، اور وہ اسے پسند نہیں کرتے،" انہوں نے مزید کہا۔ " اسرائیل پی آر جنگ ہار رہے ہیں۔ لیکن جو کچھ انہوں نے شروع کیا تھا اسے تیزی سے ختم کرنا ہے، اور ہمیں زندگی کے ساتھ آگے بڑھنا ہے۔"
سابق امریکی صدر کے تبصروں نے ایک واضح مثال پیش کی ہے کہ ٹرمپ جب جنگ کی لاگت کی پیمائش کرتے ہیں تو تصویروں اور آپٹکس پر توجہ دیتے ہیں۔ حالانکہ ٹرمپ کی باتوں سے ٹرمپ اور بائیڈن کے موقف میں مماثلت بھی ظاہر ہوتی ہے۔ ٹرمپ نے بائیڈن کے تنازعہ سے نمٹنے کے طریقہ کار پر تنقید کی ، انھوں نے الزام لگایا ہے کہ جو یہودی ڈیموکریٹس کو ووٹ دیتے ہیں وہ "اسرائیل سے نفرت کرتے ہیں" اور "اپنے مذہب" سے نفرت کرتے ہیں۔
جمعرات تک، بائیڈن کی انتظامیہ نے غزہ پر حماس کی گرفت کو ختم کرنے کے لیے اسرائیلی کوششوں کی وسیع پیمانے پر حمایت کی تھی، یہاں تک کہ اس نے یرغمالیوں کو آزاد کرنے اور انسانی امداد میں اضافے کے لیے مختصر مدت کے لیے جنگ بندی کا مطالبہ کیا تھا۔ انہوں نے اس بات پر بھی تشویش کا اظہار کیا تھا کہ اسرائیل کی کارروائی اسے عالمی سطح پر الگ تھلگ کر رہی ہے۔
یہ تشویش اس وقت شدت اختیار کر گئی ہے جب اس ہفتے ایک اسرائیلی فضائی حملے میں ورلڈ سینٹرل کچن کے سات انسانی امدادی کارکن فلسطینیوں تک کھانا پہنچانے کی کوشش کرتے ہوئے ہلاک ہو گئے تھے، جس سے بائیڈن اور نتن یاہو کے بڑھتے ہوئے کشیدہ تعلقات میں پیچیدگی کی ایک نئی پرت شامل ہو گئی ہے۔
جمعرات کو ایک فون کال میں بائیڈن نے اسرائیل کو ایک بالکل نیا انتباہ جاری کیا، امریکی صدر نے نتن یاہو کو بتایا کہ مستقبل میں جنگ کے لیے امریکی حمایت شہریوں اور امدادی کارکنوں کے تحفظ کے لیے نئے اقدامات پر منحصر ہے۔
وائٹ ہاؤس نے ایک بیان میں کہا کہ بائیڈن نے "اسرائیل کو شہری نقصان، انسانی مصائب اور امدادی کارکنوں کی حفاظت کے لیے مخصوص، ٹھوس اور قابل پیمائش اقدامات کے سلسلے کا اعلان کرنے اور ان پر عمل درآمد کرنے کی ضرورت کو واضح کر دیا۔" انہوں نے نتن یاہو سے یہ بھی کہا کہ "فوری جنگ بندی ضروری ہے" اور اسرائیل پر زور دیا کہ وہ "بغیر کسی تاخیر" کے معاہدے پر پہنچ جائے۔
یہ سخت موقف اس وقت سامنے آیا ہے جب انتظامیہ اسرائیل کو غزہ کے جنوبی شہر رفح کے خلاف ایک بڑا حملہ شروع کرنے سے روکنے کی کوششیں جاری رکھے ہوئے ہے۔
بائیڈن نے امدادی کارکنوں کی ہلاکتوں کے بعد ایک غیر معمولی طور پر سخت بیان جاری کیا تھا جس میں اسرائیل پر انسانی ہمدردی کے کام کرنے والے کارکنوں اور شہریوں کے تحفظ کے لیے مزید اقدامات نہ کرنے اور غزہ کی پٹی میں مزید خوراک کی اجازت دینے سے انکار کرنے پر تنقید کی تھی۔
ٹرمپ نے طویل عرصے سے اپنے آپ کو ملک کی تاریخ کا سب سے زیادہ اسرائیل نواز صدر قرار دیا ہے اور وہ اکثر امریکی سفارت خانے کو یروشلم منتقل کرنے کے اپنے فیصلے کو یاد دلاتے رہتے ہیں۔
لیکن وائٹ ہاؤس چھوڑنے کے بعد سے ٹرمپ کے نتن یاہو کے ساتھ بھی کشیدہ تعلقات ہیں۔ اگرچہ دونوں برسوں سے قریبی اتحادی تھے، لیکن اسرائیل کے رہنما نے اس وقت کے منتخب صدر بائیڈن کو 2020 کے انتخابات جیتنے پر مبارکباد دی تھی، اس کے بعد سابق صدر کے اسرائیل سے رشتے کشیدہ ہو گئے۔ ایک کتاب کے لیے ٹرمپ نے انٹرویو دیا تھا جس میں نتن یاہو پر بے وفائی کا الزام لگاتے ہوئے کہا تھا کہ اسرائیلی رہنما کبھی بھی امن قائم نہیں کرنا چاہتے۔
یہ بھی پڑھیں:
