تل ابیب: امریکی وزیر خارجہ انٹونی بلنکن نے ایک بار پھر اسرائیل پر زور دیا ہے کہ وہ غزہ کے شہر رفح پر اپنے وعدے کے مطابق حملہ نہ کرے۔ لیکن اسرائیلی وزیراعظم بنجمن نتن یاہو نے رفح پر زمینی حملے کے منصوبے کو روکنے کے امریکی مطالبات کو مسترد کر دیا ہے۔ نتن یاہو نے جمعہ کو کہا کہ انہوں نے دورہ پر آئے ہوئے امریکی وزیر خارجہ انٹونی بلنکن سے کہا ہے کہ حماس کو تباہ کرنے کا واحد راستہ رفح میں زمینی حملہ ہے۔
انہوں نے مزید کہا کہ ، انھوں نے بلنکن کو واضح الفاظ میں کہا ہے کہ، ہمارے پاس رفح میں داخل ہونے اور وہاں کی باقی بٹالین کو تباہ کیے بغیر حماس کو شکست دینے کا کوئی راستہ نہیں ہے۔ " اسرائیلی وزیراعظم نے کہا کہ، مجھے امید ہے کہ ہم یہ کام امریکہ کے تعاون سے کریں گے، لیکن اگر ضروری ہوا تو ہم اکیلے ہی کریں گے۔"
بلنکن نے جمعہ کو صحافیوں کو بتایا کہ امریکہ حماس کو شکست دینے کے اسرائیل کے ہدف میں شریک ہے۔ لیکن انہوں نے کہا کہ زمینی آپریشن اس ہدف کو حاصل کرنے کا طریقہ نہیں ہے۔ بلنکن کے مطابق زمینی حملے کے متبادل بھی موجود ہیں۔
بلنکن نے پچھلے اکتوبر میں جنگ شروع ہونے کے بعد مشرق وسطی کے اپنے چھٹے دورے کے بعد امریکہ واپس آنے سے کچھ دیر پہلے یہ بات کی۔ بلنکن کا کہنا ہے کہ اس دورہ میں زیادہ تر توجہ اسرائیل اور حماس کے درمیان جنگ بندی کی کوششوں اور جنگ زدہ غزہ کی پٹی میں انسانی امداد کی ترسیل کو بڑھانے پر مرکوز تھی۔
انہوں نے کہا کہ اس میں پیش رفت ہوئی ہے، لیکن معاہدے تک پہنچنے سے پہلے "بہت کام کرنا باقی ہے"۔
امریکہ ثالثوں قطر اور مصر کے ساتھ ایک ایسے فارمولے کی تلاش میں گزشتہ کئی ہفتوں سے کام کر رہا ہے جو غزہ میں حماس کے عسکریت پسندوں کے پاس قید یرغمالیوں کے بدلے جنگ کو روک سکے۔
غزہ میں جنگ سے سے بچنے کے بعد 10 لاکھ سے زیادہ بے گھر فلسطینیوں نے رفح میں پناہ حاصل کی ہے۔ امریکہ اور باقی عالمی برادری کو خدشہ ہے کہ اسرائیل کے حملے سے بڑی تعداد میں شہری ہلاکتیں ہوں گی۔
غزہ میں فلسطینی محکمہ صحت کے حکام نے جمعے کو بتایا کہ سات اکتوبر سے اب تک اسرائیلی جارحیت میں کم از کم 32,070 فلسطینی ہلاک ہوئے ہیں، جن میں کم از کم دو تہائی خواتین اور بچے ہیں۔
یہ بھی پڑھیں:
- اسرائیلی حکومت نے رفح پر حملہ کرنے کے فوجی منصوبے کو منظوری دے دی
- نتن یاہو، امریکہ کی تنقید اور اسرائیل میں نئے انتخابات کے مطالبے سے تلملا گئے
- امریکی صدر بائیڈن نے اسرائیلی وزیراعظم کو گالی دے دی
- نتن یاہو مشرقِ وسطیٰ میں امن کی راہ میں رکاوٹ، بائیڈن کے قریبی ساتھی کا دعویٰ
- اسرائیل رفح میں منصوبہ بند چھاپوں کے باوجود حماس کو ختم نہیں کر پائے گا: حزب اللہ
- سیٹلائٹ تصاویر سے پتہ چلتا ہے کہ مصر غزہ کی پٹی کے قریب ایک دیوار تعمیر کر رہا ہے
- رفح سے فلسطینیوں کی جبری نقل مکانی میں حصہ نہیں لیں گے:اقوام متحدہ
