ممبئی: وجے شیکھر شرما نے پے ٹی ایم پیمنٹس بینک لمیٹڈ (پی پی بی ایل) کے چیئرمین کے عہدے سے استعفیٰ دے دیا ہے اور بینک کے بورڈ آف ڈائریکٹرز کی تشکیل نو کی گئی ہے۔ پی پی بی ایل نے آج بی ایس ای کو مطلع کیا کہ ون 97 کمیونیکیشنز لمیٹڈ (او سی ایل) نے پے ٹی ایم پیمنٹس بینک بورڈ سے اپنے نامزد شخص کو واپس لے لیا اور وجے شیکھر شرما نے پارٹ ٹائم نان ایگزیکٹیو چیئرمین اور بورڈ ممبر کی حیثیت سے استعفیٰ دے دیا۔ پی پی بی ایل کے مستقبل کے کاروبار کی قیادت ایک تشکیل نو بورڈ کرے گا۔
اوسی ایل کے ساتھی، پے ٹی ایم پیمنٹس بینک لیمیٹڈ (پی پی بی ایل) نے سینٹرل بینک آف انڈیا کے سابق چیئرمین مسٹر سری نواسن سریدھر، ریٹائرڈ آئی اے ایس افسر دیبیندر ناتھ سارنگی، بینک آف بڑودہ کے سابق ایگزیکٹو ڈائریکٹر اشوک کمار گرگ اور ریٹائرڈ آئی اے ایس افسر رجنی سیکھری سبل کو بورڈ میں شامل کیا ہے۔ انہوں نے حال ہی میں ایک آزاد ڈائریکٹر کے طور پر شمولیت اختیار کی ہے۔
بیان میں کہا گیا ہے کہ او سی ایل پی پی بی ایل اپنے نامزد شخص کو ہٹا کر صرف آزاد اور ایگزیکٹو ڈائریکٹرز پر مشتمل بورڈ کا انتخاب کرنے کے پی پی بی ایل کے اقدام کی حمایت کرتا ہے۔ کمپنی کو علیحدہ طور پرمطلع کیا گیا ہے کہ وجے شیکھر شرما نے بھی اس تبدیلی کو قابل بنانے کے لیے پے ٹی ایم پیمنٹس بینک کے بورڈ سے استعفیٰ دے دیا ہے۔ اب نئے چیئرمین کی تقرری کا عمل شروع کیا جائے گا۔
پی پی بی ایک کے ایم ڈی اورسی ای اوسریندر چاولہ نے کہا، "ہم مسٹر سری نواسن سریدھر، مسٹر دیبیندر ناتھ سارنگی، مسٹر اشوک کمار گرگ کی تقرری کا خیر مقدم کرتے ہیں اور محترمہ رجنی سیکھری سبل کو بورڈ میں شامل کرنا، پی پی بی ایل کے سفر میں ایک اہم قدم ہے۔ ان کی منفرد مہارت ہمارے حکمرانی کے ڈھانچے اور آپریشنل معیارات کو بڑھانے، تعمیل اور بہترین طریقوں کے لیے ہماری لگن کو مزید مضبوط کرنے میں ہماری رہنمائی کرنے میں اہم ہوگی۔"
سریدھر نے کہا، "میں بینک کو اس کی تعمیل کی خدمات کی حد کو وسعت دینے کے لئے اپنی وسیع بینکنگ مہارت کا استعمال کرنے کے لئے وقف ہوں۔ میرا مقصد اس بات کو یقینی بنانا ہے کہ پی پی بی ایل ریگولیٹری ڈھانچے اوربہترین طریقوں کی سختی سے پابندی میں، اسٹیک ہولڈرز کو غیر معمولی قدر فراہم کرنے میں نئے معیارات قائم کرتے ہوئے، ریگولیٹری عمل درآمد کا ایک ماڈل بن جائے۔" (یو این آئی)
یہ بی پڑھیں: آر بی آئی نے پے ٹی ایم پیمنٹ بینک ڈِپازٹ قبول کرنے پر پابندی لگائی
