نئی دہلی: ٹیسلا کے سی ای او ایلون مسک جو آبادی میں کمی کے بارے میں اپنے خدشات کے لیے مشہور ہیں۔ حال ہی میں ان کے بارہویں بچے کا استقبال کیا۔ نئے بچے کی ماں شیون زیلیس ہیں، مسک کی برین امپلانٹ کمپنی نیورالنک میں خصوصی پروجیکٹس کی ڈائریکٹر ہیں۔ ٹیسلا کے بانی نے ابھی تک اپنے بچے کے نام اور جنس کا اعلان نہیں کیا، جسے اب تک لائم لائٹ سے دور رکھا گیا ہے۔
- ایلون مسک نے 12ویں بچے کی تصدیق کی۔
مسک نے پیج سکس پر تصدیق کی کہ بچے کی پیدائش کو دوستوں اور خاندان والوں سے خفیہ نہیں رکھا گیا ہے۔ مسک نے اس بات پر زور دیا کہ اگرچہ پیدائش کا اعلان عوامی طور پر نہیں کیا گیا تھا، لیکن یہ بات ان کے نجی حلقوں میں مشہور تھی۔ سب کو پتہ تھا۔
یہ پہلا موقع نہیں ہے کہ مسک کے بچے کی پیدائش کو راز میں رکھا گیا ہو۔ حالانکہ انہیں عوامی سطح پر 11 بچوں کا باپ سمجھا جاتا ہے۔ لیکن انہوں نے سرکاری طور پر اپنے بچوں کی کل تعداد ظاہر نہیں کی۔ 2002 میں انہوں نے اپنے پہلے بچے کا اسقبال کیا تھا۔ لیکن کچھ ہی ہفتوں میں خرب صحت کی وجہ سے بچے کی موت ہو گئی تھی
