پلوامہ: جنوبی کشمیر کے ضلع پلوامہ کے رہمو علاقے میں رومشی نالہ پر کئی برسوں سے پل تعمیر کیا جارہا ہے۔ اگرچہ اس پل کے نہ ہونے سے عوام کو کافی مشکلات کا سامنا کرنا پڑ رہا ہے۔ وہیں ایم ایل اے راجپورہ غلام محیدالدین میر نے راجپورہ حلقہ کے مختلف علاقوں کا دورہ کرنے کے ساتھ اس پل کے تعمیراتی کام کا بھی جائزہ لیا۔ موقعے پر موجود محمکہ آر اینڈ بی کے افسران نے انہیں کام کے بارے میں تفصیلی جانکاری دی۔
ایم ایل اے نے افسران کو ہدایت دی کہ وہ اس پل کو جلد از جلد مکمل کریں تاکہ عوام کو راحت ملے۔ اس سلسلے میں ایم ایل اے راجپورہ غلام محیدالدین میر نے بات کرتے ہوئے کہا کہ راجپورہ حلقہ میں جتنے بھی ترقی منصوبے ہیں، ان پر جلد از جلد کام مکمل کرنے کی ہدایات دی گئی ہیں۔
یہ بھی پڑھیں: رمشی نالہ پر پل کی تعمیر بحال، عوامی میں خوشی
انہوں نے کہا کہ رومشی نالہ پر زیر تعمیر پل کافی اہمیت کا حامل ہے۔ یہ پل کئی علاقوں کے ساتھ ساتھ ضلع پلوامہ کو بڈگام سے جوڑنے کا کام کرتا ہے لہٰذا اس کی تعمیر جلد مکمل ہونا بہت ہی ضروری ہے۔ انہوں نے کہا کہ افسران نے یقین دلایا ہے کہ پل کو رواں سال کے آخری تک مکمل کرکے عوام کو وقف کر دیا جائے گا۔
مزید پڑھیں: بوندربگم علاقے میں پل نا ہونے کی وجہ سے مشکلات کا سامنا
