چینائی میں سیاحتی میلہ کا انعقاد، راموجی فلم سٹی پویلین عوام کی توجہ کا مرکز
چینائی (تمل ناڈو) : راموجی فلم سٹی حیدرآباد کی جانب سے منعقدہ 3 روزہ سیاحتی میلہ میں سینکڑوں لوگوں نے شرکت کی۔ اس سلسلے میں آر ایف سی کے ذمہ دار ہری کرشنن نے بتایا کہ موسم گرما کے سیزن میں لوگوں کو سیاحت کےلئے راغب کرنے کےلئے جلد ہی نئے اعلانات کئے جائیں گے۔ چینائی کے نندمبکم میں سیاحتی میلہ منعقد ہوا۔ اس 24ویں نمائش کا انعقاد 15 مارچ تا 17 مارچ کیا گیا۔ جنوبی ہندوستان کے سب سے بڑے علاقائی سیاحتی میلہ تین دن تک جاری رہا۔ اس میلہ کے ذریعہ سرمائی تعطیلات میں سیر و تفریح کی منصوبہ بندی کرنے کا ایک بہترین موقع فراہم کیا گیا۔ بہار، اڈیشہ، اتراکھنڈ، کیرالہ، مہاراشٹرا، کرناٹک، دہلی، گجرات، جھارکھنڈ اور تلنگانہ سمیت کئی ریاستی کے ٹورازم بورڈز نے اس اہم میلہ میں حصہ لیا اور بڑے بڑے پویلین بنائے تھے۔
