ماسکو: روس نے اپنی فوج میں کام کرنے والے تمام بھارتیوں کو واپس بھیجنے کا وعدہ کیا ہے۔ یاد رہے کہ بھارتی وزیر اعظم نریدر مودی دو روزہ سرکاری دورے پر روس میں ہیں جہاں پر انہوں نے روس کے صدر ولادیمیر پوتن کے سامنے کئی مسٔلوں کو اٹھایا ہے۔ ان میں سے ایک مسٔلہ یہ بھی ہے کہ جو بھارتی لوگ روسی فوج میں بطور معاون کام کر رہے ہیں ان کو واپس بھارت بھیج دیا جائے۔ دونوں لیڈران کے درمیان اس مسٔلے پر اتفاق رائے قائم ہو گئی ہے اور روس جلد ہی اپنی فوج میں کام کرنے والے تمام بھارتیوں کو واپس وطن بھیجے گا۔
پی ٹی آئی کی رپورٹ کے مطابق خیال کیا جاتا ہے کہ وزیر اعظم نریندر مودی نے پیر کی رات روسی صدر ولادیمیر پوتن کے ساتھ غیر رسمی ملاقات کے دوران یہ مسئلہ اٹھایا تھا۔
روس اس بات پر راضی ہو گیا ہے کہ وہ اپنی فوج میں شامل تمام بھارتیوں کو واپس بھیج دیگا۔ اس بات پر عمل آوری جلدی ہی کی جائے گی۔
ذرائع نے بتایا کہ روس نے اس معاملے پر ہماری درخواست پر اپنی اتفاق رائے ظاہر کی ہے۔ واضع رہے کہ روس۔یوکرین جنگ میں ابھی تک چار بھارتیوں کی موت ہو چکی ہے۔
اس سال مارچ میں حیدرآباد کے رہائشی 30 سالہ محمد اسفان نے روسی فوجیوں کے ساتھ خدمات انجام دیتے ہوئے زخموں کی تاب نہ لاتے ہوئے دم توڑ دیا۔ فروری میں، سورت، گجرات کا 23 سالہ ہیمل اشون بھائی 'سیکیورٹی اسسٹنٹ' کے طور پر خدمات انجام دیتے ہوئے یوکرین کے فضائی حملے میں مارے گئے تھے۔
بہرحال وزیر اعظم جو پانچ سال کے بعد روس کے دورے پر گئے ہیں، اس دورے پر خوشی ظاہر کی ہے اور کہا ہے کہ روس کے ساتھ بھارت کے تعلقات ہمیشہ سے ہی اچھے رہے ہیں اور مختلف شعبوں میں دونوں ممالک مل کر ساتھ کام کریں گے۔
یہ بھی پڑھیں:
