نئی دہلی: پردھان منتری غریب کلیان انا یوجنا (PMGKAY) کے تحت غریبوں کو مفت چاول کی فراہمی جاری رہے گی۔ وزیر اعظم نریندر مودی کی زیر صدارت مرکزی کابینہ نے بدھ کو پی ایم جی کے وائی اور دیگر فلاحی اسکیموں کے تحت جولائی 2024 سے دسمبر 2028 تک مفت چاول کی فراہمی جاری رکھنے کو منظوری دی۔
2028 تک مفت راشن
کابینہ کی میٹنگ کے بعد مرکزی وزیر اشونی وشنو نے اس فیصلے کی جانکاری دی۔ انہوں نے کہا کہ غریبوں کو مفت چاول کی فراہمی سے تغزیہ مائیکرو نیوٹرینٹس کی کمی پوری ہو گی۔ انہوں نے کہا کہ اس پر کل 17,082 کروڑ روپے خرچ ہوں گے اور پوری فنڈنگ مرکزی حکومت کرے گی۔ حکومت کی یہ کوشش ملک بھر میں چاول کے لیے ایک مربوط نظام کو یقینی بناتی ہے، جس سے تقریباً 80 کروڑ شہریوں کو فائدہ پہنچے گا۔
#WATCH | Delhi: After the Union Cabinet meeting, Union Minister Ashwini Vaishnaw says, " today the cabinet approved the continuation of supply of free fortified rice under pradhan mantri garib kalyan yojana (pmgkay) and other welfare schemes from july, 2024 to december, 2028. the… pic.twitter.com/XaNB5rHiK8
— ANI (@ANI) October 9, 2024
سرحدی علاقوں میں انفراسٹرکچر کی ترقی پر زور
مرکزی وزیر اشونی ویشنو نے کہا کہ وزیر اعظم مودی نے سرحدی علاقوں میں بنیادی ڈھانچے کی ترقی پر زور دیا ہے۔ اس کو ذہن میں رکھتے ہوئے، آج کابینہ نے راجستھان اور پنجاب کے سرحدی علاقوں میں 4,406 کروڑ روپے کی سرمایہ کاری سے 2,280 کلومیٹر سڑکوں کی تعمیر کو منظوری دی۔
اس اقدام کا مقصد دیہی معاش کو فروغ دینا، سفر کو بہتر بنانا اور نیشنل ہائی وے نیٹ ورک کے ساتھ بہتر رابطے کو یقینی بنانا ہے۔ یہ سرحدی علاقوں کو بہتر سڑکوں، ٹیلی کام کنیکٹیویٹی، پانی کی فراہمی، صحت کی دیکھ بھال اور تعلیم کی سہولیات کے ساتھ متحرک دیہات میں تبدیل کرنے کی ایک وسیع کوشش کا حصہ ہے۔
#WATCH | Delhi: After the Union Cabinet meeting, Union Minister Ashwini Vaishnaw says, " ...pm modi has emphasized the development of infrastructure in border areas. today cabinet approved construction of 2,280 km of roads with an investment of rs 4,406 crore in the border areas… pic.twitter.com/8D3jPUvN6x
— ANI (@ANI) October 9, 2024
لائٹ ہاؤس میوزیم سمیت دیگر تعمرات کو منظوری
کابینہ نے فیز 1B اور فیز 2 کی بھی اصولی منظوری دے دی ہے جس کے لیے رضاکارانہ وسائل سے فنڈز اکٹھے کیے جائیں گے۔ فیز 1B میں 266.11 کروڑ روپے کی لاگت سے لائٹ ہاؤس میوزیم کی تعمیر شامل ہے، جس کے لیے فنڈنگ ڈائریکٹوریٹ جنرل آف لائٹ ہاؤسز اینڈ لائٹ شپس فراہم کرے گی۔ اس منصوبے سے 15,000 براہ راست روزگار پیدا ہونے کی امید ہے۔
بیان کے مطابق اس منصوبے سے 15,000 براہ راست اور 7,000 بالواسطہ ملازمتیں پیدا ہونے کی توقع ہے اور اس سے مقامی لوگوں، سیاحوں، محققین، سرکاری اداروں، تعلیمی اداروں، ثقافتی تنظیموں، ماحولیاتی گروپوں اور کاروباری اداروں کو فائدہ پہنچے گا۔
