نئی دہلی: کانگریس 11 مارچ کو ہونے والی سی ای سی میٹنگ پر اپنی نظریں جمائے ہوئے ہے۔ کانگریس کا کہنا ہے کہ پانچ ریاستوں اور ایک مرکز کے زیر انتظام علاقے کے لیے سیٹوں کو حتمی شکل دے دی گئی ہے۔
کانگریس کے جنرل سکریٹری کے سی وینوگوپال نے کہا کہ کیرالہ، کرناٹک، تلنگانہ، چھتیس گڑھ، دہلی اور لکشدیپ کی پارلیمانی سیٹوں کو حتمی شکل دی گئی ہے۔ انھوں نے کہا کہ۔ "ہمارے پاس پارلیمانی امیدواروں کے حوالے سے پہلی مرکزی الیکشن کمیٹی کی میٹنگ ہوئی۔ ہم نے کیرالہ، کرناٹک، تلنگانہ، چھتیس گڑھ، دہلی اور لکشدیپ سے سیٹوں کو حتمی شکل دی ہے، رسمی اعلان بہت جلد کیا جائے گا،"
دریں اثنا، دہلی میں 11 مارچ کو ہونے والی پارٹی کی دوسری الیکشن کمیٹی کی میٹنگ میں آئندہ لوک سبھا انتخابات کے لیے امیدواروں کے چناؤ پر بحث کی جائے گی۔ جمعرات کو، کانگریس پارلیمانی پارٹی کی چیئرپرسن سونیا گاندھی اور کانگریس صدر ملیکارجن کھرگے نے لوک سبھا انتخابات کے امیدواروں پر تبادلہ خیال کرنے کے لیے مرکزی الیکشن کمیٹی کی میٹنگ کے لیے پارٹی ہیڈکوارٹر میں تبادلہ خیال کیا۔ ذرائع نے بتایا کہ میٹنگ میں آدھی رات کے قریب نشستوں کو حتمی شکل دی گئی۔
چھتیس گڑھ کے سابق وزیر اعلی بھوپیش بگھیل سے جب پوچھا گیا کہ کیا وہ لوک سبھا انتخابات میں حصہ لیں گے، انھوں نے کہا کہ پارٹی کے ترجمان بات کریں گے۔ کانگریس لیڈر سچن پائلٹ نے کہا کہ، "یہ اچھی میٹنگ تھی، تمام سیٹوں پر تبادلہ خیال کیا گیا جیسے ہی سی ای سی فیصلہ کرے گا، آپ کو بتا دیا جائے گا۔ جو بھی فیصلہ ہوگا اے آئی سی سی بریف کرے گا۔"
میٹنگ کے بعد کانگریس لیڈر دیپک بابریا نے کہا کہ بات چیت ہوئی ہے اور یہ سی ای سی کی رائے تھی کہ 11 مارچ کو مزید تبادلہ خیال ہونا چاہئے۔ تمام نشستوں پر بات کریں گے۔ جہاں بھی ممکن ہوا حتمی فیصلے کیے جائیں گے۔ سی ای سی اعلیٰ ترین ادارہ ہے جو امیدواروں پر غور و خوض کرتا ہے اور انہیں حتمی شکل دیتا ہے۔'' سیٹوں کی تقسیم پر کانگریس لیڈر رمیش چنیتھلا نے کہا کہ کل تک آپ کو اچھی خبر ملے گی۔ اس کمیٹی کی صدارت کانگریس کے صدر ملیکارجن کھرگے کرتے ہیں اور اس کے ارکان میں سابق پارٹی سربراہ سونیا گاندھی اور راہل گاندھی شامل ہیں۔
یہ بھی پڑھیں:
