نئی دہلی: یوم آئین پر لوک سبھا میں جمعہ اور سنیچر (13 اور 14 دسمبر) کو بحث ہوئی۔ سنیچر کو وزیراعظم نے بحث کا جواب دیا۔ اپنی پورے خطاب میں پی ایم مودی نے کانگریس کو نشانہ بنایا اور کانگریس پر تنقید کی۔ اپوزیشن کے مطابق پی ایم مودی نے کوئی نئی بات نہیں کی اور پی ایم مودی کا خطاب گھسا پٹا تھا۔
#WATCH | Delhi | On PM Narendra Modi's speech, Samajwadi Party MP Iqra Hasan says, " we are disappointed that he (pm modi) spoke about the constitution but he did not say anything on sambhal, law and order situation in up, rights of minorities and manipur issue...he did not… pic.twitter.com/TfGuLn4K9p
— ANI (@ANI) December 14, 2024
اقراء حسن کے رد عمل سے ایسا محسوس ہوتا ہے جیسے انھیں پی ایم مودی کے خطاب سے بہت ساری امیدیں وابستہ تھیں لیکن جب پی ایم نے خطاب کیا تو اقراء حسن کو مایوسی کا سامنا کرنا پڑا۔ اقراء حسن کے مطابق وزیراعظم نے آئین پر خطاب کیا لیکن انھوں نے اقلیتوں کو درپیش مسائل پر کچھ بھی نہیں کیا۔ سماجوادی پارٹی کی ایم پی نے کہا کہ، ہمیں مایوسی ہوئی ہے کہ پی ایم مودی نے آئین کے بارے میں بات کی لیکن سنبھل، یوپی میں امن و امان کی صورتحال، اقلیتوں کے حقوق اور منی پور کے مسئلہ پر کچھ نہیں کہا۔ اقراء حسن کے مطابق پی ایم مودی نے اپنے خطاب میں عوام کے مسائل پر توجہ نہیں دی۔
واضح رہے، اقراء حسن بہت کم وقت میں ایک بے باک سیاستداں کے طور پر اپنی پہچان بنانے میں کامیاب ہوئی ہیں۔
#WATCH | Delhi | On PM Narendra Modi's speech, Congress MP Praniti Shinde says, " you see his entire speech, it is just a blame game. such a speech does not suit the designation of a prime minister...i am shocked that he did not use the word 'secular' even once...he should not… pic.twitter.com/oWtWloOW6R
— ANI (@ANI) December 14, 2024
دوسری جانب کانگریس کی نوجوان رکن پارلیمنٹ پرینتی شندے بھی پی ایم مودی کے خطاب سے کافی مایوس نظر آئیں۔ انھوں نے اس بات پر افسوس کا اظہار کیا کہ، پی ایم مودی نے اپنے پورے خطاب میں لفظ سیکولر کا استعمال ہی نہیں کیا۔ پرینتی شندے نے کہا کہ، آپ ان (پی ایم مودی) کی پوری تقریر دیکھ لیں، یہ صرف الزام تراشی کا کھیل ہے۔ انھوں نے کہا کہ، یہ خطاب وزیر اعظم کے عہدہ کے مطابق نہیں تھی۔ پرینتی نے حیرت کا اظہار کرتے ہوئے کہا کہ، میں حیران ہوں کہ انہوں نے ایک بار بھی لفظ سیکولر استعمال نہیں کیا، انہیں یہ نہیں بھولنا چاہیے کہ وہ اس آئین کے ذریعے وزیر اعظم بنے ہیں جس کی بنیاد کانگریس کی طرف سے رکھی گئی تھی۔
یہ بھی پڑھیں:
