نئی دہلی: ہندوستان نے ایران اور اسرائیل کے درمیان تصادم کے خدشے کے پیش نظر ہندوستانی شہریوں پر ان دونوں ممالک کے سفر پر عائد پابندی ہٹا دی ہے، لیکن لوگوں کو مشورہ دیا گیا ہے کہ وہ سفر کے دوران محتاط رہیں اور ہندوستانی مشن کے رابطے میں رہنے کا مشورہ دیا ہے۔
ایران اور اسرائیل سے متعلق ٹریول ایڈوائزری کے بارے میں میڈیا کے سوالات کا جواب دیتے ہوئے وزارت خارجہ کے ترجمان رندھیر جیسوال نے کہاکہ "ہم خطے کی صورتحال پر گہری نظر رکھے ہوئے ہیں۔ ہم نے یہ بھی دیکھا ہے کہ ایران اور اسرائیل نے کئی دنوں سے اپنے فضائی حدود کھول رکھے ہیں۔ ہم ہندوستانی شہریوں کو مشورہ دیتے ہیں کہ وہ ان ممالک کا سفر کرتے ہوئے محتاط رہیں اور ہندوستانی سفارت خانے سے رابطے میں رہیں۔"
واضح رہے کہ 12 اپریل کو وزارت خارجہ نے ہندوستانی شہریوں کو ایک ایڈوائزری جاری کرتے ہوئے کہا تھا کہ وہ موجودہ صورتحال کے پیش نظر ایران اور اسرائیل کا سفر نہ کریں اور جو لوگ وہاں پہلے سے موجود ہیں وہ انتہائی احتیاط برتیں۔
وزارت خارجہ نے کہا تھا کہ ’’ہم خطے کی صورتحال پر گہری نظر رکھے ہوئے ہیں۔ ہم نے یہ بھی دیکھا ہے کہ ایران اور اسرائیل نے کئی دنوں سے اپنی فضائی حدود کھول رکھی ہیں۔ ہم ہندوستانی شہریوں کو مشورہ دیتے ہیں کہ وہ ان ممالک کا سفر کرتے وقت محتاط رہیں اور ہندوستانی سفارت خانے سے رابطے میں رہیں۔
یو این آئی
