نئی دہلی: دہلی کے وزیر اعلی اروند کیجریوال کو سی بی آئی نے باضابطہ طور پر گرفتار کر لیا ہے۔ اس سے پہلے انہیں راؤس ایونیو کورٹ میں پیش کیا گیا۔ سماعت کے دوران سی بی آئی نے کیجریوال کی تحویل مانگی تھی۔
CBI formally arrests Delhi CM and AAP National Convenor Arvind Kejriwal in the Excise Policy case. pic.twitter.com/op3Y7DzTVe
— ANI (@ANI) June 26, 2024
کیجریوال پر ایکسائز پالیسی گھوٹالہ کا الزام ہے۔ آپ کو بتا دیں کہ منگل کو ان سے پوچھ تاچھ کی گئی تھی اور ایکسائز پالیسی سے متعلق گھوٹالے کے معاملے میں ان کا بیان ریکارڈ کیا گیا تھا۔ آپ کو بتا دیں کہ اس سے پہلے ای ڈی نے انھیں گرفتار کیا تھا۔ کیجریوال تہاڑ جیل میں بند ہیں۔
منگل کی دیر رات یہ دعویٰ کیا گیا کہ سی بی آئی نے کیجریوال کو گرفتار کر لیا ہے۔ تاہم بعد میں یہ بات سامنے آئی کہ تفتیشی ایجنسی نے صرف ان سے پوچھ تاچھ کی اور تہاڑ سے واپس چلے گئے۔ سی بی آئی اور ای ڈی نے اگست 2022 میں دہلی کی شراب پالیسی کے معاملے میں مبینہ بے ضابطگیوں کے سلسلے میں کیس درج کیے تھے۔ ای ڈی نے کیجریوال کو 21 مارچ کو شراب پالیسی معاملے میں ان کے گھر سے گرفتار کیا تھا۔ انہیں یکم اپریل کو تہاڑ جیل بھیج دیا گیا۔
- کیجریوال پر کون کون سے الزام ہیں:
ای ڈی اور سی بی آئی نے کیجریوال اور ان کی عام آدمی پارٹی پر دہلی ایکسائز پالیسی میں ہیرا پھیری کے لیے ساؤتھ گروپ کے ممبران سے 100 کروڑ روپے کی رشوت لینے کا الزام لگایا ہے۔ الزام ہے کہ عام آدمی پارٹی نے 2022 میں گوا اسمبلی انتخابات کے دوران گھوٹالے کی رقم کا ایک حصہ استعمال کیا تھا۔ ای ڈی کے مطابق عام آدمی پارٹی نے کیجریوال کے ذریعے منی لانڈرنگ کا کام انجام دیا ہے۔
- جنوبی گروپ کے ارکان کون ہیں؟
ساؤتھ گروپ میں اروبندو فارما کے پروموٹر شرت ریڈی، وائی ایس آر سی پی لوک سبھا ایم پی ایم سری نواسولو ریڈی، ان کے بیٹے راگھوا ماگنتا اور کے کویتا شامل ہیں۔ ای ڈی کے مطابق اس گروپ کی نمائندگی ارون پلئی، ابھیشیک بوئن پلی اور بوچی بابو نے کی تھی۔ ای ڈی نے تینوں کو شراب گھوٹالہ میں گرفتار کیا ہے۔
یہ بھی پڑھیں:
