حیدرآباد: گورنر 74 سالہ چندرا بابو نائیڈو کو آندھرا پردیش کے وزیراعلیٰ کے طور پر عہدے اور رازداری کا حلف دلایا۔ وزیر اعظم نریندر مودی، مرکزی وزیر داخلہ امت شاہ، مرکزی وزیر صحت جے پی نڈا، دیگر مرکزی وزراء، این ڈی اے اتحادیوں کے رہنما اور کچھ ریاستوں کے وزرائے اعلیٰ حلف برداری تقریب میں شریک ہوئے۔ جناسینا کے صدر پون کلیان نائب وزیر اعلیٰ کے طور پر حلف لیا۔ ان کے ساتھ ساتھ 23 دیگر وزرا نے بھی ایک ہی وقت میں حلف لیا۔ پون کلیان واحد نائب وزیر اعلیٰ ہیں۔ چندرا بابو نے کل آدھی رات میں پون کلیان سمیت تمام 24 وزراء کی فہرست کا اعلان کیا تھا۔ کابینہ میں ایک عہدہ خالی ہے۔
- کابینہ میں توازن:
نائیڈو کی وزارتی ٹیم میں 17 نئے چہرے ہیں۔ بقیہ ماضی میں وزیر رہ چکے ہیں۔ ٹی ڈی پی سربراہ نے ایک اسامی خالی رکھی ہے۔ وزراء کی کونسل میں تین خواتین ہیں۔ سینئر لیڈر این محمد فاروق واحد مسلم چہرہ ہیں۔ وزراء کی فہرست میں پسماندہ طبقات سے آٹھ، درج فہرست ذاتوں سے تین اور درج فہرست قبائل سے ایک شامل ہے۔ نائیڈو نے کمّا اور کاپو برادریوں سے چار چار وزراء کو شامل کیا ہے۔ ریڈی سے تین اور ویسیا برادریوں سے ایک کو کابینہ میں جگہ ملی ہے۔ جہاں نائیڈو سماجی اور سیاسی طور پر طاقتور کما برادری سے تعلق رکھتے ہیں، پون کلیان کاپو برادری سے تعلق رکھتے ہیں۔ ٹی ڈی پی کے زیرقیادت اتحاد نے گزشتہ ماہ ہونے والے انتخابات میں زبردست مینڈیٹ کے ساتھ وائی ایس آر سی پی سے اقتدار چھین لیا تھا۔ اس نے 175 رکنی اسمبلی میں 164 نشستیں حاصل کیں۔
نائیڈو نے منگل کی رات دیر گئے امراوتی میں اپنی رہائش گاہ پر امیت شاہ اور جے پی نڈا کے ساتھ ملاقات کے بعد اپنی وزارتی ٹیم کو حتمی شکل دی۔ ستیہ کمار یادو واحد بی جے پی ایم ایل اے ہیں جو وزیر کے طور پر حلف لیں گے۔ جنا سینا پارٹی کے تین وزیر کابینہ میں شامل کئے گئے ہیں۔
