نئی دہلی: دہلی کی ایک خصوصی عدالت نے ایکسائز پالیسی کے مبینہ گھوٹالہ معاملے میں عدالتی حراست میں تہاڑ جیل میں بند بھارت راشٹر سمیتی (بی آر ایس) کی قانون ساز کونسل کی رکن کے۔ کویتا کو کے کو جمعہ کو 15 اپریل تک سینٹرل بیورو آف انویسٹی گیشن (سی بی آئی) کی تحویل میں بھیج دیدیا گیا۔
قومی راجدھانی دہلی کے راؤز ایونیو میں واقع کاویری باویجا کی خصوصی عدالت نے سی بی آئی کی طرف سے پانچ دن کی تحویل کی درخواست پر غور کرنے کے بعد یہ حکم دیا۔
سی بی آئی نے عدالت سے کے۔ کویتا کو اپنی حراست دیئے جانے کی درخواست کی اور الزام لگایا کہ محترمہ کویتا کا مبینہ ایکسائز گھوٹالہ میں اہم رول ہے۔ تفتیش کو آگے بڑھانے کے لیے ملزمہ کا پانچ روز کا ریمانڈ ضروری ہے۔ عدالت نے سی بی آئی کی عرضی پر غور کرتے تین دن کی تحویل کی حراست میں دیئے جانے کی منظوری دی۔
سی بی آئی نے خصوصی عدالت کی اجازت سے محترمہ کویتا کو جیل میں پوچھ تاچھ کے بعد جمعرات کو گرفتار کیا تھا۔ تلنگانہ کے سابق وزیراعلی کے۔ چندر شیکھر راؤ کی بیٹی کے۔ کویتا کو انفورسمنٹ ڈائریکٹوریٹ (ای ڈی) نے 15 مارچ کو حیدرآباد میں واقع ان کی کی رہائش گاہ سے گرفتار کیا تھا۔
17 اگست 2022 کو سی بی آئی نے ایکسائز پالیسی 2021-22 کی تشکیل اور اس پر عمل درآمد میں بے ضابطگیوں کا الزام لگاتے ہوئے ان کے خلاف ایک فوجداری مقدمہ درج کیا تھا۔ اسی بنیاد پر ای ڈی نے 22 اگست 2022 کو منی لانڈرنگ کا مقدمہ درج کیا تھا۔
یو این آئی
