نئی دہلی/غازی آباد: اپوزیشن لیڈر راہل گاندھی نے امریکہ میں ریزرویشن کو لے کر بیان دیا تھا۔ اس بیان سے بی جے پی او بی سی مورچہ ناراض ہے۔ دہلی کے اکبر روڈ پر راہل گاندھی کی رہائش گاہ کا گھیراؤ کرنے کے لیے گاڑیوں اور بسوں میں بی جے پی مورچہ کے رہنما غازی پور بارڈر پر جمع ہوگئے۔ اس دوران اتر پردیش حکومت کے وزیر نریندر کشیپ بھی مظارہ میں شامل تھے۔ اس دوران کئی مظاہرین نے رکاوٹیں عبور کرکے دہلی میں داخل ہونے کی کوشش کی لیکن پولیس نے انہیں حراست میں لے لیا۔
بی جے پی او بی سی مورچہ کے ذمہ داروں اور کارکن غازی پور بارڈر پر جمع ہوکر احتجاج کیا۔ بی جے پی او بی سی مورچہ امریکہ میں راہل گاندھی کے مبینہ بیان کے خلاف احتجاج کر رہا ہے۔ آپ کو بتا دیں کہ بی جے پی او بی سی مورچہ نے راہل گاندھی کے گھر گھیراؤ کی کال دی تھی۔ یہ مظاہرہ اتر پردیش حکومت میں وزیر اور بی جے پی او بی سی مورچہ کے صدر نریندر کشیپ کی قیادت میں ہو رہا ہے۔
یہ بھی پڑھیں: اگر ہم حکومت میں آئے تو اسمارٹ میٹرز ختم کر دیں گے: راہل گاندھی - Rahul Gandhi Visits Sopore
دہلی پولیس نے چارج سنبھال لیا
دوسری جانب مظاہرین کے دہلی کی طرف مارچ سے قبل دہلی پولیس نے غازی پور بارڈر سے دہلی کی طرف جانے والی سڑک کو سیل کر دیا تھا۔ بڑی تعداد میں پولیس فورس کو بھی تعینات کیا گیا تھا۔ آر اے ایف اور یوپی پولیس کے اہلکار بھی موقع پر تعینات ہیں جبکہ ڈرون کے ذریعہ نگرانی کی جا رہی ہے۔
