بابا صدیقی قتل کیس: پولیس کے مشترکہ آپریشن میں پنجاب سے ایک اور ملزم گرفتار

بابا صدیقی قتل کیس میں ملزم کی گرفتاری کا عمل جاری ہے۔ اس سلسلے میں پنجاب سے تعلق رکھنے والے ایک ملزم کو پکڑا گیا۔

ممبئی: لارنس بشنوئی گینگ نے دعوی کیا ہے کہ این سی پی کے رہنما اور سابق وزیر بابا صدیقی کے قتل میں ان کا ہاتھ ہے۔ اس معاملے میں پولیس نے پنجاب سے ایک اور ملزم کو گرفتار کیا ہے۔ اس طرح سے اس معاملے میں اب تک 14 ملزموں کو گرفتار کیا گیا ہے۔ گرفتار ملزموں پر بھی بابا صدیقی اور سلمان خان کی ریکی کا الزام ہے۔

پولیس کے ذریعہ گرفتار ملزم کا نام سوجیت سشیل سنگھ ہے۔ ممبئی پولیس نے اسے پنجاب کے لدھیانہ میں سندر نگر سے گرفتار کیا۔ ایک سینئر پولیس افسر نے بتایا کہ اسے ممبئی لایا جارہا ہے۔ دوسری طرف ممبئی پولیس نے ملزم رام پھولچند کنوجیا کے گھر سے اسلحہ ضبط کرلیا ہے۔

In a major breakthrough, Mumbai Police in a joint operation with Punjab Police apprehends Sujeet Sushil Singh, resident of Mumbai, wanted in high profile murder of Baba Siddique

Sujeet was involved in the murder conspiracy and was informed about the plan to kill Baba Siddique… pic.twitter.com/T3Z9LcEhjm

— DGP Punjab Police (@DGPPunjabPolice) October 26, 2024

سوجیت سشیل کو ممبئی پولیس نے پنجاب پولیس کی مدد سے گرفتار کیا۔ اس کے بعد اسے جمال پور پولیس اسٹیشن لایا گیا۔ سوجیت سشیل کی گرفتاری کے بعد توقع کی جارہی ہے کہ بابا صدیقی قتل کیس کی پولیس کو ایک اہم اشارہ ملے گا۔ ملزم سوجیت سشیل پر الزام ہے کہ وہ 25 ہزار روپے ملزم نتن کے بینک اکاؤنٹ میں بھیجا تھا، جس نے بابا صدیقی پر نظر رکھی ہوئی تھی۔

موصولہ جانکاری کے مطابق، گرفتار ملزم سوجیت سشیل ممبئی کا رہائشی ہے اور وہ لدھیانہ میں اپنے سسر کے گھر آیا تھا۔ ممبئی پولیس جلد ہی اس معاملے میں ایک بڑا انکشاف کرے گی۔ ممبئی کرائم برانچ کی جانب سے یہ کہا گیا ہے کہ اس کیس میں گرفتار ملزموں میں سے ایک رام کنوجیا پر ابتدائی طور پر بابا صدیقی کو ہلاک کرنے کا الزام لگایا گیا تھا۔

اس نے بابا صدیقی قتل کے لیے ایک کروڑ روپے کی ڈمانڈ کی تھی۔ پولیس ذرائع نے بتایا کہ گرفتار ملزموں میں سے ایک کے موبائل فون میں بابا صدیقی کے بیٹے ذیشان صدیقی کی تصویر بھی ملی ہے۔ ممبئی پولیس نے بابا صدیقی قتل کیس میں رام پھولچند کنوجیا کو گرفتار کیا ہے۔

جمعہ کے روز اطلاع دی گئی کہ پولیس نے رائگاد میں اس کے گھر سے اسلحہ برآمد کیا۔ ممبئی پولیس نے انکشاف کیا ہے کہ ان قاتلوں نے بابا صدیقی کے قتل میں پانچ ہتھیار استعمال کیے تھے۔ پولیس نے ان میں سے چار ہتھیاروں کو ضبط کرلیا ہے۔ پولیس افسر نے بتایا کہ پولیس اس وقت آسٹریلیا میں بنی بریٹا پستول کی تلاش کر رہی ہے۔