ہلدوانی : آٹھ فروری کو بنبھول پورہ تھانہ علاقے میں تشدد کے بعد فرار ہونے والے عبدالمعید ولد عبدالمالک کو نینیتال پولیس نے بالآخر گرفتار کر لیا ہے۔ عبدالمعید کو ہلدوانی پولیس نے دہلی این سی آر سے گرفتار کیا ہے۔ نینیتال کے ایس ایس پی پرہلاد نارائن مینا نے اس معاملے کا انکشاف کیا۔ ٹیموں نے آخر کار مختلف ریاستوں میں چھاپے مار کر گرفتاریاں کی ہیں۔ انہوں نے بتایا کہ پولیس گجرات، دہلی، ممبئی، مہاراشٹر اور اتر پردیش، بہار میں مختلف مقامات پر مسلسل چھاپے مار رہی ہے۔
انہوں نے بتایا کہ عبدالمعید کو دہلی این سی آر سے گرفتار کیا گیا ہے۔ انہوں نے بتایا کہ اس پورے واقعے کے سلسلے میں نو افراد کو مطلوب قرار دیا گیا ہے۔ سب کو گرفتار کر لیا گیا ہے۔ اب تک عبدالمالک اور ان کے بیٹے معید سمیت 84 افراد کو گرفتار کیا جا چکا ہے۔
نینیتال کے ایس ایس پی پرہلاد نارائن مینا نے کہا کہ اس معاملے میں تصویر اور ویڈیو کی بنیاد پر کچھ اور لوگوں کی شناخت کی گئی ہے۔ جنہیں جلد گرفتار کر لیا جائے گا۔ تشدد کے مرتکب افراد کو بخشا نہیں جائے گا۔ انہوں نے بتایا کہ عبدالمالک سے پوچھ گچھ کی جا رہی ہے۔ پوچھ گچھ کے دوران کئی نام سامنے آئے ہیں۔ ان لوگوں سے بھی معلومات اکٹھی کی جا رہی ہیں۔ انہوں نے کہا کہ ڈی آئی جی کماون نے عبدالمعید کو گرفتار کرنے والی ٹیم کو 5000 روپے کا انعام دیا ہے جبکہ انہوں نے ڈھائی ہزار روپے کا انعام رکھا ہے۔
