యాదాద్రి భువనగిరి జిల్లా యాదగిరిగుట్టలో అఖండ-నామ ఆశ్రమ పీఠాధిపతి శ్రీశ్రీ ప్రసన్న కృష్ణ దాస్ ప్రభూజ ఆధ్వర్యంలో నిర్వహిస్తున్న అక్షయ సువర్ణలక్ష్మీ నారాయణ మహాయజ్ఞం ఘనంగా ముగిసింది. ఏప్రిల్ 17వ తేదీన ప్రారంభమైన అక్షయ సువర్ణలక్ష్మీ నారాయణ మహాయజ్ఞాన్ని 28 రోజుల పాటు అత్యంత వైభవంగా నిర్వహించారు. ఈ రోజు అశ్వరథ యాదాద్రి కొండ చుట్టూ గిరి ప్రదక్షిణం, అక్షయ సువర్ణ లక్ష్మీ నారాయణ హావనము, పూర్ణాహుతులతో యజ్ఞాన్ని ముగించారు.
భారత, వాయు, నావికా సేనల అభివృద్ధి, విజయాల కోసం, కరోనా మహమ్మారి నుంచి ప్రజలను కాపాడేందుకే ఈ యజ్ఞం నిర్వహించినట్లు పీఠాధిపతి శ్రీశ్రీ ప్రసన్న కృష్ణ దాస్ ప్రభూజ తెలిపారు. రోడ్డు అభివృద్ధి కోసం తమ ఆశ్రమాన్ని తీసుకున్నారని... ప్రస్తుతం ఆశ్రమవాసులకు గూడు లేకుండా పోయిందని వాపోయారు. ప్రభుత్వమే ఆశ్రమవాసులకు ఆశ్రయం కల్పించాలని కోరారు.
sఇవీ చదవండి: కరోనా కోలుకున్న వారిలోనూ.. బ్లాక్ ఫంగస్
