వరంగల్ అర్బన్‌ జిల్లా మామునూరు పోలీస్ శిక్షణ కళాశాలకు అరుదైన గౌరవం దక్కింది. దక్షిణ భారతదేశంలో 2017-18కి గాను ఉత్తమ పోలీస్ శిక్షణ కేంద్రంగా త్వరలో అవార్డును దక్కించుకుంది. తాజాగా ఆన్ రికార్డు ట్రైనీస్ విభాగంలో కేంద్ర రక్షణ శాఖ హోమ్ మినిస్టర్‌ ట్రోఫీకి ఎంపికైంది. శిక్షణార్థులకు కల్పిస్తున్న వసతులను కేంద్ర ప్రభుత్వ నిపుణుల కమిటీ.. పరిగణనలోకి తీసుకుని ఈ అవార్డును అందించనున్నట్లు పీటీసీ ప్రిన్సిపల్ గంగారాం తెలిపారు. ట్రోఫీతో పాటు రూ. 2లక్షల నగదును అందించనున్నట్లు వెల్లడించారు.
తెలంగాణలో ఆరు శిక్షణ కళాశాలు ఉంటే.. మామునూరు పీటీసీకి ఈ గౌరవం దక్కిందని గంగారాం అన్నారు. అవార్డు ప్రకటనతో పోలీసు శిక్షణ సిబ్బంది సంబురాలు జరుపుకున్నారు.
ఇదీ చదవండి: ఆర్టీసీ.. మెట్రో.. ఎంఎంటీఎస్‌.. సమన్వయం అడగొద్దు!
