వరంగల్ గ్రామీణ జిల్లా వర్ధన్నపేట మండలంలో ఈనెల 23న నల్లబెల్లి చెరువు కట్టపై ఓ వృద్ధురాలు మెడలో నుంచి రెండున్నర తులాల గొలుసును అగంతుకుడు దొంగిలించాడు. బాధితురాలి ఫిర్యాదు మేరకు పోలీసులు గాలింపు చర్యలు చేపట్టారు. బృందాలుగా ఏర్పడి నల్లబెల్లి, ఇల్లందా గ్రామాల్లోని సీసీ ఫుటేజ్లను పరిశీలించారు.
ఆ పుటేజ్ల ఆధారంగా బోల్ల రాజ్కుమార్ను నిందుతునిగా గుర్తించి అరెస్ట్ చేశారు. అతని వద్ద నుంచి బంగారు గొలుసు, ద్విచక్ర వాహనం, సెల్ఫోన్ స్వాధీనం చేసుకుని రిమాండ్కు తరలించారు. సీసీ కెమెరాల ఆధారంగానే నిందితున్ని తొందరగా పట్టుకున్నామని పోలీసులు తెలిపారు. ఈ సందర్భంగా ప్రతి గ్రామంలో సీసీ కెమెరాలు ఏర్పాటు చేసుకోవాలని ప్రజలను కోరారు.
దొంగను పట్టించిన సీసీ కెమెరా
ఇదీ చూడండి : డబుల్ బెడ్రూం కోసం.. తెలంగాణ భవన్ వద్ద ఆందోళన
