యువకుల ట్వీట్​.. స్పందించిన కేటీఆర్

వనపర్తి జిల్లా నాటవెళ్లికి చెందిన యువకులు చేసిన ట్వీట్​కు మంత్రి కేటీఆర్ స్పందించారు. ఓ వృద్ధురాలి కాలికి గాయమై బాధపడుతున్న విషయాన్ని మంత్రి దృష్టికి తీసుకొచ్చారు. స్పందించిన మంత్రి... బాధితురాలికి మెరుగైన వైద్యం అందించాలని కలెక్టర్​ను ఆదేశించారు.

వనపర్తి జిల్లా కొత్తకోట మండలం నాటవెళ్లికి చెందిన నర్సమ్మ కాలికి గాయమై ఇన్ఫెక్షన్ అయింది. ఆసుపత్రికి వెళ్లలేని దుస్థితిలో ఉన్న ఆమె వివరాలను గ్రామ యువకులు... మంత్రి కేటీఆర్​కు ట్వీట్​ చేశారు. స్పందించిన మంత్రి.. బాధితురాలి వివరాలను జిల్లా పాలనాధికారిణి షేక్ యాస్మిన్ బాషాకు పంపారు. బాధితురాలని వెంటనే ఆసుపత్రికి తరలించేందుకు ఏర్పాట్లు చేయాలని ఆదేశించారు.

నాటవెళ్లికి వెళ్లి నర్సమ్మతో మాట్లాడి.. సమస్యను పరిష్కరించాలని కలెక్టర్ యాస్మిన్​ బాషా.. జిల్లా వైద్యాధికారి శ్రీనివాసులను ఆదేశించారు. గ్రామానికి చేరుకున్న వైద్యాధికారి నర్సమ్మతో మాట్లాడి.. ఆమె కాలి గాయాన్ని పరిశీలించారు. 108 అంబులెన్స్​ ఏర్పాటు చేసి హైదరాబాద్​లోని నిమ్స్ ఆసుపత్రికి తరలించారు.

ఇదీ చూడండి:- లాక్​డౌన్​ నుంచి వీటికి మినహాయింపు