షాపులు మూతపడ్డాయి.. మమ్మల్నీ ఆదుకోండి సారూ..

పనుల్లేక, పూటగడవక తీవ్ర ఇబ్బందులకు గురవుతున్నామంటూ మెకానిక్​లు ఆవేదన వ్యక్తం చేశారు. తమనూ ఆదుకోడంటూ సిద్దిపేట జిల్లాలోని బైక్​మెకానిక్​ షాపుల సభ్యులు ప్రభుత్వానికి విన్నవించుకుంటున్నారు.

మమ్మల్ని కూడా ఆదుకోండంటూ బైక్ మెకానిక్​లు.. ప్రభుత్వానికి విన్నవించుకుంటున్నారు. కరోనా వైరస్ వ్యాప్తి చెందుతోన్న కారణంగా సిద్దిపేట పట్టణంలో బైక్ మెకానిక్ షాప్​లు మూతపడ్డాయి. బైకులు రిపేర్ చేస్తేనే మా జీవనం సాగుతుందని.. మాతో పాటు మరో నలుగురికి ఉపాధి కల్పిస్తున్నామని వారు అన్నారు.

కానీ ఇప్పుడు లాక్​డౌన్​ కారణంగా వాహనదారులు రాక షాపులు మూతపడి పూటగడవడం కూడా కష్టంగా ఉందని వాపోయారు. వలస కూలీలకు నిత్యావసర సరుకులు అందిస్తున్నారు.. కానీ మమ్మల్ని ఏ దాతలు ఆదుకోవడానికి ముందుకు రావడంలేదని.. మాకూ నిత్యావసరాలను అందించి ఆదుకోవాలని కోరారు. ప్రభుత్వం ఇస్తున్న 12 కిలోల రేషన్ బియ్యం తమ కుటుంబాలకు సరిపోవడం లేదని బైక్ మెకానిక్​లు ఆవేదన వ్యక్తం చేశారు.

"రెక్కాడితే కానీ డొక్కాడని పరిస్థితి మాది.. నిరుపేదలందరినీ ఆదుకుంటున్న ప్రభుత్వం మమ్మల్ని ఆదుకోవాలని కోరుతాం- బైక్​ మెకానిక్​"

ఇవీ చూడండి: శిక్షించడంలోనే కాదు... ఆదుకోవడంలోనూ మాకు మేమే సాటి