ప్రభుత్వ పాఠశాలల్లో పనిచేస్తున్న స్వచ్ఛ కార్మికులను తొలగిస్తూ విడుదల చేసిన మెమో నంబర్ 2026ను వెంటనే రద్దు చేయాలని సీఐటీయూ నాయకులు డిమాండ్ చేశారు. సిద్దిపేట జిల్లా దుబ్బాక తహసీల్దార్ కార్యాలయం ఎదుట సీఐటీయూ ఆధ్వర్యంలో ధర్నా నిర్వహించారు. అనంతరం అధికారులకు వినతిపత్రం సమర్పించారు.
రాష్ట్రంలోని వివిధ ప్రభుత్వ పాఠశాలల్లో 28వేల 200 మంది స్వచ్ఛ కార్మికులు పని చేస్తున్నారని సీఐటీయూ జిల్లా సహాయ కార్యదర్శి భాస్కర్ తెలిపారు. కార్మికుల పొట్టకొట్టే మెమో 2026ను వెంటనే వెనక్కి తీసుకోవాలని డిమాండ్ చేశారు. స్వచ్ఛ కార్మికులను యధావిధిగా కొనసాగిస్తూ పెరుగుతున్న ధరలకు అనుగుణంగా కనీస వేతనాలు అమలు చేయాలని కోరారు. ఈ కార్యక్రమంలో స్వచ్ఛ కార్మికుల యూనియన్ జిల్లా అధ్యక్షులు ర్యాకం ఎల్లం, కార్మికులు, తదితరులు పాల్గొన్నారు.
ఇవీ చూడండి: దేశవ్యాప్తంగా జేఈఈ మెయిన్ పరీక్ష ప్రారంభం
