తన ఆరోగ్యంపై వీడియో విడుదల చేసిన ఎమ్మెల్యే మహిపాల్​రెడ్డి

హైదరాబాద్​ అపోలో ఆస్పత్రిలో తనకు అత్యుత్తమ వైద్యం అందుతోందని పటాన్​చెరు ఎమ్మెల్యే మహిపాల్​రెడ్డి తెలిపారు. తన ఆరోగ్య స్థితిపై ఓ వీడియోను విడుదల చేశారు.

కరోనా సోకి హైదరాబాద్​ అపోలో ఆస్పత్రిలో చికిత్స పొందుతున్న సంగారెడ్డి జిల్లా పటాన్​చెరు ఎమ్మెల్యే మహిపాల్​రెడ్డి ఓ వీడియోను విడుదల చేశారు. తన ఆరోగ్యం బాగానే ఉందని.. ఎవరూ ఆందోళన చెందాల్సిన అవసరం లేదన్నారు. ప్రజలు కూడా జాగ్రత్తగా ఉండాలని సూచించారు.

ముఖ్యమంత్రి కేసీఆర్​ సహా.. మంత్రులు కేటీఆర్​, హరీశ్​రావు, ఈటల రాజేందర్​, ఎంపీ కొత్త ప్రభాకర్​రెడ్డి ఎప్పటికప్పుడు తన ఆరోగ్య స్థితిపై అపోలో వైద్యులతో మాట్లాడుతున్నారన్నారు. తనకు అత్యత్తమ చికిత్స అందుతోందని ఎమ్మెల్యే తెలిపారు.

ఇవీచూడండి: ప్రస్తుతం కరోనాను ఎదుర్కోవడానికి ప్లాస్మానే ఆయుధం : చిరంజీవి