గుర్తుతెలియని వాహనం ఢీకొని ఇంజినీరింగ్ విద్యార్థి మృతి

సంగారెడ్డి జిల్లా పటాన్​చెరు మండలం రుద్రారం జాతీయ రహదారిపై ద్విచక్రవాహనాన్ని గుర్తుతెలియని వాహనం ఢీ కొట్టింది. ఈ ఘటనలో ఒక ఇంజినీరింగ్ విద్యార్థి మృతి చెందగా... మరో విద్యార్థి తీవ్రంగా గాయపడ్డాడు.

సంగారెడ్డి జిల్లా సుల్తాన్​పూర్ సమీపంలోని జెఎన్టీయూలో చదువుతున్న ఇంజినీరింగ్ విద్యార్థులు రాజ్ కుమార్, ఈశ్వర్ ద్విచక్రవాహనంపై పటాన్​చెరు వైపు వెళ్తున్నారు. అదే సమయంలో రుద్రారం సమీపంలో గుర్తు తెలియని వాహనం వారి వాహనాన్ని ఢీకొట్టింది. ఈ ఘటనలో రాజ్ కూమార్ అక్కడికక్కడే మృతి చెందగా... ఈశ్వర్ తీవ్రంగా గాయపడ్డాడు. విషయం గమనించిన స్థానికులు ఈశ్వర్​ను ప్రభుత్వాసుపత్రికి తరలించారు. మెరుగైన చికిత్స కోసం అక్కడి నుంచి బీరంగూడలోని పనేషియా ఆస్పత్రికి తరలించారు. విషయం తెలుసుకున్న పోలీసులు కేసు నమోదు చేసుకొని దర్యాప్తు చేస్తున్నారు. పోస్టుమార్టం నిమిత్తం మృతదేహాన్ని ప్రభుత్వాసుపత్రికి తరలించారు.

ఇవీ చూడండి: ప్రేమ పెళ్లి.. 10 రోజులకే వివాహిత అనుమానాస్పద మృతి