సంగారెడ్డి జిల్లా అమీన్పూర్ పురపాలికలో అడిషనల్ పాలనాధికారి రాజర్షి షా బడ్జెట్ సమావేశాన్ని నిర్వహించారు. మున్సిపాలిటీలో మిగులు బడ్జెట్ రూ.13.7 కోట్లని ఆయన తెలిపారు. మున్సిపాలిటీలో మౌలిక వసతుల కోసం రూ.8.19కోట్లు కేటాయిస్తున్నట్లు తెలిపారు. ఇందులో పార్కులు, వైకుంఠ ధామాల అభివృద్ధి, ప్రజా మరుగుదొడ్ల నిర్మాణం, సమీకృత సంతల అభివృద్ధి, జంతువుల శాల నిర్మాణం, శాస్త్రీయ పద్ధతిలో డంపింగ్ యార్డ్ నిర్వహణకు వినియోగిస్తున్నట్లు పేర్కొన్నారు.
వార్డులో వివిధ అభివృద్ధి పనులకు రూ.10.20 కోట్లు కేటాయిస్తున్నట్లు అలాగే రూ.88.85 లక్షలు ఇతర మూలధన వ్యయాలకు కేటాయించడం జరిగిందని తెలిపారు. బడ్జెట్లో 10 శాతం హరితహారం కోసం ఖర్చు చేయనున్నట్లు వెల్లడించారు.
అమీన్పూర్ మున్సిపాలిటీ బడ్జెట్ 50 కోట్లు
ఇదీ చూడండి: సీఏఏ వ్యతిరేక తీర్మానానికి అసెంబ్లీ ఆమోదం
