కొనసాగుతున్న ఆర్టీసీ కార్మికుల అరెస్టులపర్వం

ఆర్టీసీ కార్మికుల సమ్మెలో భాగంగా నల్గొండ జిల్లా దేవరకొండలో బస్​ రోకోకు బయలుదేరిన సీపీఐ, సీపీఎం, అర్టీసీ కార్మికులను పోలీసులు అడ్డుకుని స్టేషన్​కు తరలించారు.

నల్గొండ జిల్లా దేవరకొండలో ఆర్టీసీ కార్మికుల సమ్మె 43వ రోజు కొనసాగుతోంది. సమ్మెలో భాగంగా బస్​ రోకోకు బయలుదేరిన కార్మికులను ఉదయం నుంచి పోలీసులు అరెస్ట్ చేస్తున్నారు. బస్​ డిపో వద్ద భారీ బందోబస్తు ఏర్పాటు చేసి బస్సులను యథాతథంగా నడిపిస్తున్నారు. డిపో ముందు ధర్నాకు దిగిన సీపీఐ, సీపీఎం, ఆర్టీసీ కార్మికులను పోలీసులు అడ్డుకోగా ఉద్రిక్త వాతావరణం నెలకొంది. ఆందోళనకారులను అరెస్ట్​ చేసి పోలీస్ స్టేషన్​కు తరలించారు.

ఇదీ చదవండిః ఆర్టీసీ ఐకాస తగ్గినా.. ప్రభుత్వ స్పందన లేదు..?