man commits suicide without paying bike challan: పోలీసులు వేధింపులు భరించలేక మృతి చెందుతున్న వారి సంఖ్య రాష్ట్రంలో ఈ మధ్య కాలంలో క్రమంగా పెరుగుతున్నాయి. మెదక్ జిల్లాలో ఖాధీర్ ఖాన్ థర్డ్ డిగ్రీ ఉదంతం.. అదే జిల్లాలో పోలీసులు కొట్టారని యువకుడు కరెంట్ తీగలు పట్టి ఆత్మహత్య చేసుకున్న ఘటన.. నిన్న వరంగల్లో దొంగ అనే ముద్ర వేశారని పురుగుల మందు తాగి యువకుడు మృతి చెందిన ఘటనలే ఇందుకు తార్కాణంగా నిలుస్తున్నాయి.
తాజాగా నల్గొండ జిల్లాలో ట్రాఫిక్ పెండింగ్ చలానాలు చెల్లించడం లేదని పోలీసులు విచారించడంతో ఓ వ్యక్తి ఆత్మహత్య చేసుకున్న ఘటన వెలుగులోకి వచ్చింది. తన ఆత్మహత్యకు పోలీసులు కారణమంటూ సూసైడ్ నోట్ మృతుడు వద్ద లభించడంతో ఈ వ్యాఖ్యలకు మరింత బలం చేకూరుతున్నాయి. ఈ ఘటనపై పోలీసుల పట్ల కొందరు అసహనం వ్యక్తం చేస్తున్నారు.
ఇది జరిగింది: నల్గొండ జిల్లాకు చెందిన ఎల్లయ్య అనే వ్యక్తి జీవనోపాది కోసమని హైదరాబాద్లోని సైదాబాద్‌లో నీలం సంజీవరెడ్డి నగర్‌లో నివాసముంటూ హమాలీగా పనిచేస్తూ ఉపాధి పొందుతున్నాడు. ఈ క్రమంలో ఎల్లయ్యకు చెందిన ద్విచక్ర వాహనంపై పెండింగ్ చలానాలు ఉండటంతో మీర్ చౌక్ ట్రాఫిక్ పోలీసులు వాహన తనిఖీలు చేస్తున్న క్రమంలో చలానా కట్టమని చెప్పారు.
దీంతో అతను అప్పులు చేసి బైక్ కొన్నానని అన్ని చలాన్లు ఒకేసారి అంటే కట్టలేనని పోలీసులను వేడుకున్నాడు. కొంత సమయం కావాలని కోరాడు. అతని మాటలను ఏ మాత్రం పట్టించుకొని పోలీసులు ఎట్టిపరిస్థితుల్లో చలానా కట్టి తీరాల్చిందేనని తేల్చిచెప్పారు. దీంతో మనస్తాపానికి గురైనా ఎల్లయ్య ఇంటికి వచ్చి విషం తీసుకొని ఆత్మహత్యకు పాల్పడ్డాడు.
గమనించిన కుటుంబ సభ్యులు ఆతన్ని హుటాహుటినా ఆసుపత్రికి తరలించారు. పరీక్షించిన డాక్టర్లు అప్పటికే మృతి చెందినట్లు నిర్ధారించారు. దీనిపై సమాచారం అందుకున్న పోలీసులు కేసు నమోదు చేసుకొని ఆత్మహత్యకు గల కారణాలను తెలుసుకుంటున్నారు. కుటుంబ కలహాలతోనే ఆత్మహత్య చేసుకున్నట్లు పోలీసులు ప్రాథమికంగా అనుమానం వ్యక్తం చేస్తున్నారు.
సూసైడ్ నోట్ లభ్యం: ఇది ఇలా ఉండగా.. మృతుని వద్ద లభించిన సూసైడ్ నోట్ ఆధారంగా పోలీసుల వేధింపులే ఎల్లయ్య ఆత్మహత్యకు గల కారణమని కుటుబ సభ్యులు ఆరోపిస్తున్నారు. మీర్‌చౌక్ ట్రాఫిక్ ఎస్ఐ గణేష్, మరికొందరు పోలీసులు వేధించడం వల్లే ఎల్లయ్య చనిపోయాడని.. ఎస్‌ఐపై చర్యలు తీసుకోవాలని డిమాండ్ చేస్తున్నారు. గతంలో ఎల్లయ్య పోలీసులతో వాగ్వాదం చేసిన సందర్భాలు చాలా ఉన్నాయని.. బైక్పై మూడు చలానాలు ఉండటంతో పోలీసులు చలానా కట్టమని సూచించి ఉండొచ్చనని.. ఈ ఘటనలే ఆయన ఆత్మహత్యకు దారితీసినట్లు చుట్టుపక్కల వారు అనుమానం వ్యక్తం చేస్తున్నారు.
ఇవీ చదవండి:
పోలీసులు విచారించారని పురుగుల మందు తాగిన యువకుడు.. ఆ తరువాత ఏం జరిగిందంటే?
కుమార్తెల ముందే భార్యపై శానిటైజర్ పోసి నిప్పంటించిన భర్త.. సీసీ కెమెరాలో దృశ్యాలు
అనుమానాస్పద స్థితిలో మహిళా కానిస్టేబుల్ మృతి.. భర్త పనే అంటూ తల్లిదండ్రుల ఆరోపణ
