బొరిగాంలో ఆరుగురు పేకాటరాయుళ్ల అరెస్ట్​

బొరిగాం శివారులోని పేకాట స్థావరంపై టాస్క్​ఫోర్స్​ పోలీసులు దాడులు నిర్వహించారు. ఆరుగురు పేకాటరాయుళ్లను అదుపులోకి తీసుకుని.. కేసు నమోదు చేశారు.

కుమురం భీం ఆసిఫాబాద్​ జిల్లా కాగజ్​నగర్​ మండలం బొరిగాం శివారులోని పేకాట స్థావరంపై టాస్క్​ఫోర్స్​ పోలీసులు దాడులు జరిపారు. గ్రామ శివారులో గత కొంతకాలంగా పేకాట ఆడుతున్నారనే విశ్వసనీయ సమాచారం మేరకు దాడులు నిర్వహించిన పోలీసులు ఆరుగురిని అదుపులోకి తీసుకున్నారు.

వారి వద్ద నుంచి రూ. 22 వేల 4 వందల నగదు, 6 ఫోన్లు, ఒక కారు, 3 ద్విచక్ర వాహనాలను స్వాధీనం చేసుకుని.. కేసు నమోదు చేసినట్లు పోలీసులు తెలిపారు.