కుమురం భీం జిల్లా చింతల మానేపల్లి హెడ్ కానిస్టేబుల్ మెంగారావును విధుల్లోంచి తొలగిస్తున్నట్టు వచ్చిన ఉత్తర్వుల పట్ల ఆయన ఆవేదన వ్యక్తం చేశారు. తనను అన్యాయంగా విధుల్లోంచి తొలగించారంటూ మెంగారావు ఆరోపించారు. చింతలమానేపల్లి మండల కేంద్రంలో పది రోజుల క్రితం అక్రమంగా తరలిస్తున్న వాహనాన్ని తనిఖీల్లో పోలీసులు పట్టుకున్నారు. ఎలాంటి విచారణ జరుపకుండానే వాహనాన్ని వదిలిపెట్టారు. ఈ విషయం బయటకు పొక్కడం వల్ల విచారణ చేపట్టిన అధికారులు హెడ్ కానిస్టేబుల్ను సస్పెండ్ చేస్తున్నట్టు ఉత్తర్వులు జారీ చేశారు. సదరు హెడ్ కానిస్టేబుల్ మెంగారావును ప్రశ్నించగా.. పైఅధికారుల ఆదేశాల మేరకే.. వాహనాన్ని వదిలిపెట్టినట్టు.. తనకు ఏం తెలియదని, గిరిజన, ఆదివాసీ తెగకు చెందిన వాడిని కాబట్టే తనకు అన్యాయం చేయాలని చూస్తున్నారని మెంగారావు ఆవేదన వ్యక్తం చేశారు. ఈ విషయాన్ని ఉన్నతాధికారులు పరిశీలించి తనకు న్యాయం చేయాలని వేడుకున్నాడు.
ఇవీచూడండి: భారత్ బయోటెక్ ల్యాబ్ను సందర్శించిన మంత్రి కేటీఆర్
