'సీసీఐ కేంద్రాలను రైతులు సద్వినియోగం చేసుకోవాలి'

మార్కెట్​ యార్డుల్లో పత్తి కొనుగోలు కేంద్రాలను రైతులు వినియోగించుకోవాలని ఛైర్మన్ భూక్యా లాలు నాయక్ అన్నారు. ఖమ్మం జిల్లా ఏన్కూర్​ మార్కెట్​యార్డులో ఏర్పాటు చేసిన సీసీఐ కేంద్రాన్ని ఆయన ప్రారంభించారు.

ఖమ్మం జిల్లా ఏన్కూర్​లో ఏర్పాటు చేసిన పత్తి కొనుగోలు కేంద్రాన్ని మార్కెట్​యార్డు ఛైర్మన్​ భూక్యా లాలు నాయక్​ ప్రారంభించారు. రైతులు నాణ్యమైన పత్తిని సీసీఐ కేంద్రానికి తరలించి మద్దతుధర పొందాలని ఆయన కోరారు.

రాష్ట్రప్రభుత్వం రైతులకు అన్ని విధాలుగా అండగా ఉంటుందని తెలిపారు. పత్తి రైతుల కోసం అన్ని మార్కెట్​యార్డుల్లో సీసీఐ కేంద్రాలను ఏర్పాటు చేసిందన్నారు. ఈ కార్యక్రమంలో సోసైటీ ఛైర్మన్​ శెట్టిపల్లి వెంకటేశ్వరరావు, మార్కెట్ కార్యదర్శి శ్రీనివాసరావు, వ్యాపారులు, రైతులు పాల్గొన్నారు.

ఇదీ చూడండి:హైదరాబాద్ అభివృద్ధి కావాలంటే భాజపాకు పట్టం కట్టండి: బండి