పుష్కరఘాట్​లో మహిళను కాపాడిన పోలీసులు

తుంగభద్ర పుష్కరాల్లో భాగంగా నదీ స్నానం ఆచరించడానికి వచ్చిన ఓ మహిళ నీటిలో మునిగిపోతుండగా పోలీసులు కాపాడారు. ఈ ఘటన జోగులాంబ గద్వాల జిల్లా వేణిసోంపురంలో చోటుచేసుకుంది.

జోగులాంబ గద్వాల జిల్లా వేణిసోంపురం ఫుష్కరఘాట్​లో ప్రమాదవశాత్తు మునిగిపోతున్న ఓ మహిళను పోలీసులు కాపాడారు. గద్వాల పట్టణానికి చెందిన ఓ మహిళ తుంగభద్ర పుష్కరాల్లో భాగంగా ఐజ మండలంలోని వేణిసోంపురం పుష్కరఘాట్​కు వచ్చింది.

స్నానం కోసం ఘాట్​లోకి దిగింది. లోతు ఎక్కువగా ఉండటం వల్ల జారిపోయి నీళ్లలోకి పడిపోయింది. అక్కడే విధులు నిర్వహిస్తున్న పోలీసులు హుటాహుటిన నదిలోకి దూకి మహిళను కాపాడారు. ప్రమాదం తప్పడం వల్ల భక్తులు ఊపిరి పీల్చుకున్నారు.

ఇవీచూడండి: ముగిసిన గ్రేటర్ ఎన్నికల ప్రచారం.. మొదలైన తాయిలాల పర్వం