తెలంగాణ రైతు సమన్వయ సమితి అధ్యక్షుడు పల్లా రాజేశ్వర్ రెడ్డి
రైతు సమన్వయ సమితి రాష్ట్ర అధ్యక్షుడిగా బాధ్యతలు చేపట్టిన తర్వాత పల్లా రాజేశ్వర్రెడ్డి తొలిసారి ఉమ్మడి వరంగల్ జిల్లాలో పర్యటించారు. జనగామ జిల్లా పెంబర్తి కాకతీయ కళాతోరణం వద్ద పార్టీ శ్రేణులు ఆయనకు ఘనస్వాగతం పలికాయి.
భారీ ర్యాలీతో జిల్లా కేంద్రానికి చేరుకున్న పల్లా... ప్రధాన చౌరస్తాలోని అంబేడ్కర్ విగ్రహానికి పూల మాల వేసి నివాళి అర్పించారు.
రైతులకు కావాల్సిన సదుపాయాలన్నీ కల్పిస్తున్నామని, త్వరలోనే తెలంగాణ రైతులను దేశంలోనే ధనవంతులుగా తీర్చిదిద్దుతామని హామీ ఇచ్చారు.
జనగామ జిల్లాలోని ప్రతి ఎకరానికి నీరు అందించి జిల్లాను సస్యశ్యామలం చేస్తామని పేర్కొన్నారు.
ఇదీ చూడండి: 'ప్రత్యేక' ఆర్టీసీ ఉద్యోగులకు శిక్షణ ప్రారంభం
