జనగామ జిల్లా పరిధిలోని స్టేషన్ ఘన్పూర్ నియోజకవర్గ అభివృద్ధికి నిరంతరం కృషి చేస్తున్నట్టు ఎమ్మెల్యే తాటికొండ రాజయ్య తెలిపారు. చిల్పూర్ మండలంలో ఒక కోటి 74 లక్షల రూపాయలతో నిర్మించ తలపెట్టిన చెక్డ్యామ్ నిర్మాణ పనులకు శంకుస్థాపన చేసి పూజలు నిర్వహించారు. నియోజకవర్గంలో మరో ఆరు చెక్డ్యామ్లో నిర్మాణానికి మంత్రి ఎర్రబెల్లి దయాకర్రావు రూ.15 కోట్ల 60 లక్షలు మంజూరు చేసినట్లు తెలిపారు. చెక్డ్యామ్ల నిర్మాణం కోసం టెండర్లు కూడా పూర్తి చేసినట్టు తెలిపారు.
తెలంగాణ ఏర్పడ్డ నాటి నుంచి ఇప్పటి వరకు మిషన్ కాకతీయ ద్వారా 45వేల చెరువులు మరమ్మతుకు శ్రీకారం చుట్టి 20వేల కోట్ల రూపాయలతో అభివృద్ధి చేస్తున్నట్టు తెలిపారు. దేవాదుల ద్వారా చెరువులు, కుంటలకు నీరు అందించి రైతులను ఆదుకున్న తెలంగాణ భగీరథుడు కేసీఆర్ అని ఆయన కొనియాడారు.
ఇదీ చదవండి: గొర్రెకుంట హత్యల నిందితునికి 14 రోజుల రిమాండ్
