ప్రత్యేక శిబిరానికి తరలిన.. తెరాస అభ్యర్థులు

జగిత్యాల జిల్లా మెట్​పల్లి పురపాలక పరిధిలోని 26 వార్డులకు సంబంధించిన తెరాస అభ్యర్థులను మినీ బస్సుల ద్వారా ప్రత్యేక శిబిరానికి తరలించారు. ఈనెల 27న ఛైర్ పర్సన్, వైస్ ఛైర్మన్ ఎన్నిక సందర్భంగా అభ్యర్థులు క్యాంపు నుంచి నేరుగా మెట్​పల్లి పురపాలక కార్యాలయం చేరేందుకు తెరాస ఏర్పాట్లు సిద్ధం చేసింది.

పుర ఎన్నికల ఫలితాలు సమయం దగ్గర పడుతున్న కొద్దీ అభ్యర్థుల్లో ఉత్కంఠ మొదలైంది. ప్రధాన పార్టీలు తమ అభ్యర్థులు ఎటు వైపు వెళ్లకుండా ఉండేందుకు ప్రత్యేక జాగ్రత్తలు తీసుకుంటున్నాయి. ఈ సందర్భంగా జగిత్యాల జిల్లా మెట్​పల్లి పురపాలక పరిధిలోని 26 వార్డులకు సంబంధించిన తెరాస అభ్యర్థులను మినీ బస్సుల ద్వారా ప్రత్యేక శిబిరానికి తరలించారు. అభ్యర్థులు వారి కుటుంబ సభ్యులు క్యాంపుకు తరలివెళ్లారు. ఈనెల 27న ఛైర్ పర్సన్, వైస్ ఛైర్మన్ ఎన్నిక సందర్భంగా అభ్యర్థులు క్యాంపు నుంచి నేరుగా మెట్​పల్లి పురపాలక కార్యాలయం చేరేందుకు తెరాస అన్ని ఏర్పాట్లు సిద్ధం చేసింది.