'ఎమ్మెల్యే విద్యాసాగర్​రావు.. క్షమాపణ చెప్పాలి'

రామమందిర నిధుల సమీకరణపై ఎమ్మెల్యే విద్యాసాగర్​రావు చేసిన వ్యాఖ్యలపై భాజపా జిల్లా అధ్యక్షుడు సత్యనారాయణరావు ఆగ్రహం వ్యక్తం చేశారు. ఆలయ నిర్మాణంలో ప్రజలను భాగస్వామ్యం చేసేందుకే విరాళాలు సేకరిస్తున్నట్లు చెప్పారు.

అయోధ్యలో రామ మందిర నిర్మాణం కోసం సేకరిస్తున్న విరాళాలపై కోరుట్ల ఎమ్మెల్యే విద్యాసాగర్​రావు చేసిన వ్యాఖ్యలపై భాజపా జిల్లా అధ్యక్షుడు సత్యనారాయణ రావు మండిపడ్డారు. విద్యాసాగర్​రావు.. హిందూ సమాజానికి వెంటనే క్షమాపణ చెప్పాలని డిమాండ్​ చేశారు.

రామమందిర నిర్మాణంలో ప్రజలను భాగస్వామ్యం చేసేందుకే నిధులను సమీకరిస్తున్నామన్నారు. ఈ విషయాన్ని శాసనసభ్యుడు తెలుసుకోవాలని సూచించారు. క్షమాపణ చెప్పకుంటే ఆందోళన ఉద్ధృతం చేస్తామని హెచ్చరించారు.

ఇవీచూడండి: 'రామమందిర విరాళాలపై ఎమ్మెల్యే వివాదాస్పద కామెంట్లు'