వైకాపా రంగులో షీటీమ్ వాహనాలు..

ఆంధ్రప్రదేశ్​ గుంటూరులో షీ టీమ్​లలో పనిచేసే మహిళా పోలీసుల కోసం ద్విచక్రవానాలను సమకూర్చారు. అయితే ఈ వాహనాలు వైకాపా రంగులతో ఉండటం చర్చనీయాంశమైంది. వీటిని గుంటూరు అర్భన్ ఎస్పీ అమ్మిరెడ్డి మహిళా పోలీసులకు అందించారు.

ఆంధ్రప్రదేశ్ గుంటూరులో పోలీసు వాహనాలకు వైకాపా రంగులు వేయటం వివాదాస్పదంగా మారింది. షీ టీమ్​లలో పనిచేసే మహిళా పోలీసుల కోసం ద్విచక్ర వాహనాలు సమకూర్చారు. గుంటూరు అర్బన్ ఎస్పీ అమ్మిరెడ్డి చేతుల మీదుగా వీటిని మహిళా పోలీసులకు అందజేశారు.

అయితే ఆ వాహనాలకు వైకాపా రంగులు వేసి.. షీ టీమ్ సభ్యులకు పంపిణీ చేశారు. ఆ రాష్ట్ర ముఖ్యమంత్రి జగన్మోహన్​రెడ్డి పుట్టినరోజు సందర్భంగా వైకాపా రంగులతో కూడిన ద్విచక్ర వాహానాలు ఎస్పీ ప్రారంభించారు. వీటిలో ఎక్కువ వాహనాలు పాతవే ఉన్నాయి. వాటికి అధికార పార్టీ రంగులు వేసి పంపిణీ చేయడం చర్చనీయాంశమైంది.

• ఇదీ చూడండి కేంద్రం చర్యలు తీసుకోకపోతే సుప్రీంను ఆశ్రయించండి : ఎన్జీటీ