నగరంలోని ధూల్పేట్ నుంచి బోరబండకు తీసుకెళ్తున్న వినాయక విగ్రహం అనుకోని రీతిలో కమాన్ కింద చిక్కుకుపోయింది. ఎర్రగడ్డ ఈఎస్ఐ వద్ద భారీ వాహనాలు వెళ్లకుండా ఏర్పాటు చేసిన కమాన్ పైభాగంలో ఈ భారీ వినాయక విగ్రహం కిరీటం తగలడంతో ఎటు వెళ్లలేని పరిస్థితి ఏర్పడింది. ఫలితంగా ఆ దారిలో ట్రాఫిక్ స్తంభించింది.
సమాచారం అందుకున్న ట్రాఫిక్ పోలీసులు వెంటనే ఘటన స్థలానికి చేరుకున్నారు. కమాన్ వద్ద ట్రాఫిక్ను మరో మార్గంలోకి మళ్లించారు. విగ్రహం తరలిస్తున్న వాహనం టైర్లకు గాలి తీశాకే విగ్రహం ముందుకు కదలింది. అప్పటివరకు ఆ మార్గంలో వెళ్తున్న నగరవాసులకు ఇబ్బందులు తప్పలేదు.
కమాన్ కింద చిక్కుకున్న భారీ వినాయకుడు
