స్కూల్ బస్సు ఢీకొని ఇద్దరి మృతి

హైదరాబాద్ బడంగ్​పేట​లో ఘోర రోడ్డు ప్రమాదం జరిగింది. స్కూల్ బస్సు ద్విచక్ర వాహనాన్ని ఢీ కొట్టడంతో బైక్​పై వెళ్తున్న ఎల్​కేజీ విద్యార్థి అతడిని తీసుకెళ్తున్న మేనమామ అక్కడికక్కడే మృతి చెందారు.

మీర్​పేట్ పోలీస్ స్టేషన్ పరిధిలోని బడంగ్​పేటలో విషాదఘటన చోటు చేసుకుంది. ద్విచక్రవాహనంపై పిల్లాడిని పాఠశాలకు తీసుకువెళ్తున్న సమయంలో స్కూల్ బస్సు ఢీకొనడంతో ఎల్​కేజీ విద్యార్థి, అతడిని తీసుకెళ్తున్న మేనమామ మృతి చెందారు. ఘటనా స్థలానికి చేరుకున్న మీర్​పేట్ పోలీసులు మృతదేహాలను పోస్టుమార్టం నిమిత్తం ఉస్మానియా ఆసుపత్రికి తరలించారు. కేసు నమోదు చేసుకుని దర్యాప్తు చేస్తున్నట్లు సీఐ యాదయ్య తెలిపారు.

ఇదీ చూడండి: సురక్షితంగా స్వరాష్ట్రానికి తీసుకువస్తాం: కేటీఆర్