గత ఎన్నికల హామీలు నేరవేర్చని కేసీఆర్ను నిలదీయాల్సిన సమయం ఆసన్నమైందని కేంద్ర హోంశాఖ సహాయమంత్రి వ్యాఖ్యానించారు. అమరవీరుల త్యాగాలతో సాధించుకున్న తెలంగాణ కల్వకుంట్ల కుటుంబానికి తాకట్టు పెట్టడానికి కాదని విమర్శించారు. గ్రేటర్ ఎన్నికల ప్రచారంలో భాగంగా ముషీరాబాద్ నియోజకవర్గంలోని అడిక్మెట్, గాంధీనగర్ డివిజన్లలో విస్తృతంగా రోడ్ షో నిర్వహించారు.
మజ్లిస్తో దోస్తీ చేస్తూ రాష్ట్ర ప్రజలను మోసం చేస్తోందని మండిపడ్డారు. రెండు పడక గదుల ఇళ్లను ఎంతమందికి ఇచ్చారో తెరాస నాయకులను నిలదీయాలని కిషన్ రెడ్డి అన్నారు. జీహెచ్ఎంసీలో ఏ ముఖం పెట్టుకుని ఓట్లు అడుగుతున్నారో ప్రజలు ప్రశ్నించాలని కేంద్రమంత్రి తెలిపారు.
బోజగుట్ట సభలో పాల్గొన్న కేంద్రమంత్రి:
గుడిమల్కాపూర్లోని బోజగుట్టలో ఏర్పాటు చేసిన సభలో కిషన్ రెడ్డి పాల్గొన్నారు. గ్రేటర్ ఎన్నికల్లో డివిజన్ భాజపా అభ్యర్థి దేవర కరుణాకర్ను గెలిపించాలని ఆయన కోరారు. భాజపా నాయకులు ఎల్లప్పుడు ప్రజలకు అందుబాటులో ఉండి సేవలందిస్తారని కేంద్రమంత్రి పేర్కొన్నారు.
