చిత్ర లేఅవుట్ కాలనీలో కన్నులపండువగా ఎదుర్కోలు ఉత్సవం

ఎల్బీనగర్ నియోజకవర్గం పరిధిలోని చిత్ర లేఅవుట్ కాలనీలో శ్రీరామనవమి ఉత్సవాల్లో భాగంగా ఎదుర్కోలు కార్యక్రమాన్ని ఘనంగా నిర్వహించారు. ఆదివారం జరిగే సీతారాముల కల్యాణ మహోత్సవంలో అందరూ పాల్గొనాలని కాలనీ సంక్షేమ సంఘం అధ్యక్షులు కోరారు.

హైదరాబాద్ ఎల్బీనగర్ నియోజకవర్గం పరిధిలోని చిత్ర లేఅవుట్ కాలనీలో శ్రీరామనవమి ఉత్సవాల్లో భాగంగా కాలనీవాసులు ఎదుర్కోలు కార్యక్రమాన్ని ఘనంగా నిర్వహించారు. మంజీరా హైట్స్ ఫేస్ 2 నుంచి సీతాదేవిని భాజాభజంత్రీలతో శ్రీరామనామ స్మరణతో కాలనీలోని సంక్షేమ సంఘం భవనంలోకి తీసుకొచ్చారు. బంజారా హైట్స్ ఫేస్-1లో ఉన్న శ్రీరామలక్ష్మణ, హనుమంతుల వారిని ఎంతో భక్తి శ్రద్ధలతో కాలనీ సంక్షేమ భవనంలోకి తీసుకొచ్చి ఎదుర్కోలు కార్యక్రమాన్ని పూర్తి చేశారు.

గత పది సంవత్సరాలుగా కాలనీ సంక్షేమ సంఘం ఆధ్వర్యంలో ఈ సీతారాముల కల్యాణ మహోత్సవాన్ని ఎంతో భక్తిశ్రద్ధలతో, అంగరంగ వైభవంగా కాలనీ వాసులంతా జరుపుకుంటామని కాలనీ సంక్షేమ సంఘం అధ్యక్షులు ముస్కు అంజిరెడ్డి తెలిపారు. ఎదుర్కోలు కార్యక్రమం ముగిసిందని, ఆదివారం జరిగే సీతారాముల కల్యాణ మహోత్సవంలో అందరూ పాల్గొనాలని ఆయన కోరారు. ఈ సందర్భంగా మహిళల కోలాటాలు అందరినీ విశేషంగా ఆకట్టుకున్నాయి.

ఇదీ చదవండి: జంటనగరాల్లో అట్టహాసంగా శ్రీరామనవమి శోభాయాత్ర.. పలు మార్గాల్లో ట్రాఫిక్​ ఆంక్షలు