హైదరాబాద్తో పాటు దేశవ్యాప్తంగా 21 సంస్థలను జీఎస్టీ రిజిస్ట్రేషన్ చేసి అక్రమ లావాదేవీలకు పాల్పడిన వ్యక్తిని రాష్ట్ర జీఎస్టీ అధికారులు అరెస్ట్ చేశారు. ఉత్తరప్రదేశ్లోని ఘజియాబాద్కు చెందిన కౌశిక్ శక్తి బాబురాం తెలంగాణలో నాలుగు సంస్థలు ఉన్నట్లుగా అధికారులు గుర్తించారు. ఆ సంస్థల వ్యాపార కార్యకలాపాలను పరిశీలించగా అక్రమాలు వెలుగులోకి వచ్చాయి.
20.08 కోట్ల పన్ను ఎగవేత
దేశంలోని వివిధ ప్రాంతాల నుంచి రకరకాల ఉత్పత్తులను హైదరాబాద్కు తరలించి జీఎస్టీ చెల్లించకుండానే వ్యాపారులకు సరఫరా చేస్తున్నట్లు అధికారుల పరిశీలనలో వెల్లడైంది. ఈ ఏడాది మార్చిలో రిజిస్ట్రేషన్ చేసుకున్న నాలుగు సంస్థలు దాదాపు రూ.150 కోట్లకు పైగా విలువైన వ్యాపారాలు నిర్వహించినట్లు తేలింది. ఇందుకు సంబంధించి రూ. 20.08 కోట్ల వస్తు సేవల పన్ను ఎగవేతకు పాల్పడ్డట్లు అధికారులు గుర్తించారు. నిందితుడిని రిమాండ్కు తరలించామని జీఎస్టీ చీఫ్ కమిషనర్ అనిల్ కుమార్ తెలిపారు.
ఇదీ చూడండి: విద్యుత్ ఒప్పందాలపై సీబీఐ విచారణకు సిద్ధంకండి: లక్ష్మణ్
