అమ్మానాన్న మృతి... అనాథగా కూతురు

ఎంతో సంతోషంగా కుటుంబంతో కలిసి బంధువుల ఇంటికి వెళ్తున్నారు. కానీ వారి ఆనందం అంతలోనే ఆవిరైపోయింది. అనుకోకుండా జరిగిన ప్రమాదంలో... ఆ చింతలేని చిన్నకుటుంబం చిన్నబిన్నమైపోయింది. అమ్మానాన్నలిద్దరూ చనిపోయి... కూతురు మాత్రమే ప్రాణలతో బయటపడి అనాథగా మిగిలిపోయింది.

హైదరాబాద్​ బాలానగర్​ వద్ద ఘోర రోడ్డు ప్రమాదం జరిగింది. జీడిమెట్ల అయోధ్యనగర్​లో నివాసముంటున్న బచ్చన్​కుమార్... తన భార్య మీరాదేవి, కూతురు నందినితో కలిసి నిన్న రాత్రి 11 గంటల సమయంలో ద్విచక్రవాహనంపై కాటేదాన్​లోని బంధువుల ఇంటికి బయల్దేరారు. బాలానగర్ వద్దకు రాగానే ప్రమాదవశాత్తు ఆగి ఉన్న కంటైనర్​ని ఢీకొట్టాడు. ఈ ఘటనలో బచ్చన్ కుమార్(35) అక్కడిక్కడే మృతిచెందాడు. తీవ్ర గాయాల పాలైన మీరాదేవి(32), నందిని(12)ని స్థానికులు ఆస్పత్రికి తరలించారు. చికిత్స పొందుతూ మీరాదేవి మృతి చెందింది. ఈ ప్రమాదంలో బచ్చన్​ కూతురు నందిని ప్రాణాలతో బయటపడింది. కేసు నమోదు చేసుకున్న పోలీసులు మృతదేహాలను శవపరిక్ష నిమిత్తం గాంధీ ఆసుపత్రికి తరలించారు.

ఇదీ చూడండి: 'ధిక్కరణ చర్యలు చేపట్టే అధికారం మాకు ఉంది'