నిర్మల్ జిల్లా భైంసాలో జరిగిన దాడి ఘటన తనను తీవ్రంగా కలచివేసిందని ఆదిలాబాద్ ఎంపీ సోయం బాపూరావు పేర్కొన్నారు. ఘర్షణలో గాయపడి యశోద ఆసుపత్రిలో చికిత్స పొందుతున్న క్షతగాత్రులను ఆయన పరామర్శించారు. వైద్యులను అడిగి, వారి ఆరోగ్య పరిస్థితిని తెలుసుకున్నారు.
ఈ ఘటనకు ప్రభుత్వమే బాధ్యత వహించాలని డిమాండ్ చేశారు. గతంలోనూ దాడులు జరిగాయని గుర్తు చేశారు. అప్పుడే ప్రభుత్వం చర్యలు తీసుకుంటే.. ఇప్పుడు ఇలాంటి ఘర్షణలు జరిగేవి కావన్నారు. ఈ ఘటనలపై ప్రభుత్వంపై ఎందుకు స్పందించడం లేదని ప్రశ్నించారు. ఇప్పటికైనా సీఎం కేసీఆర్ స్పందించాలన్నారు. ఘటనకు కారణమైన వారిపై కఠిన చర్యలు తీసుకోవాలని డిమాండ్ చేశారు. త్వరలోనే కేంద్ర హోంశాఖ మంత్రిని కలిసి భైంసా పరిస్థితిని వివరిస్తామన్నారు.
