ఆర్థికశాఖ మంత్రి హరీశ్ రావు ప్రవేశపెట్టిన వార్షిక బడ్జెట్ ప్రజారంజకంగా ఉందని కార్మిక శాఖ మంత్రి మల్లారెడ్డి అన్నారు. హైదరాబాద్లోని తన క్యాంపు కార్యాలయంలో ఏర్పాటు చేసిన ఓ కార్యక్రమంలో పాల్గొన్న ఆయన సీఎం కేసీఆర్ చిత్ర పటానికి పాలాభిషేకం చేశారు.
రాష్ట్ర ఆర్థిక శాఖ మంత్రి హరీశ్ రావు అన్ని వర్గాలకు ఆమోదయోగ్యమైన బడ్జెట్ను రూపొందించాని మంత్రి మల్లారెడ్డి అన్నారు. ఈ బడ్జెట్లో మండల, జిల్లా పరిషత్లకు రూ. 500 కోట్లు కేటాయించడం పట్ల ఆయన సంతోషాన్ని వ్యక్తం చేశారు. స్థానిక సంస్థల బలోపేతమే లక్ష్యంగా పెద్ద మొత్తంలో నిధులను కేటాయించినందుకు కృతజ్ఞతలు తెలిపారు. ఈ కార్యక్రమంలో పలువురు జెడ్పీటీసీలు, ఎంపీపీలు, వివిధ మండలాల నాయకులు, పార్టీ కార్యకర్తలు పాల్గొన్నారు.
ఇదీ చదవండి: ప్రైవేటు సంస్థలకు దీటుగా విజయ డైరీని నడిపిస్తున్నాం: తలసాని
