నేటితో నుమాయిష్ ఆఖరు

నాంపల్లిలో జరుగుతున్న అఖిల భారత పారిశ్రామిక ప్రదర్శన 79వ ఎడిషన్ ఈరోజుతో ముగుస్తుంది. శుక్రవారం ముగింపు వేడుకల్లో శాసనసభ స్పీకర్ పోచారం శ్రీనివాస్ రెడ్డి ముఖ్య అతిథిగా పాల్గొన్నారు.

హైదరాబాద్ నాంపల్లి ఎగ్జిబిషన్ గ్రౌండ్స్​​లో నుమాయిష్ నేటితో ముగియనుంది. జనవరి 1న ప్రారంభమైన పారిశ్రామిక ప్రదర్శనకు నగర వాసుల నుంచి భారీ స్పందన వచ్చింది. పది రోజుల పాటు జరిగిన ప్రదర్శన చిన్న, మధ్య తరహా వ్యాపారులు తమ ఉత్పత్తులను అమ్ముకునేందుకు వేదికైంది. 79వ ఎడిషన్ ముగింపు వేడుకలు శుక్రవారం నిర్వహించగా.. శాసనసభ స్పీకర్ పోచారం శ్రీనివాస్​రెడ్డి ముఖ్య అతిథిగా హాజరయ్యారు.

రెండు నెలల పాటు సాగిన ప్రదర్శన
2 వేలకు పైగా స్టాళ్లతో దాదాపు రెండు నెలల పాటు సాగిన ప్రదర్శనలో అగ్ని ప్రమాదంతో అపశ్రుతి చోటుచేసుకుంది. స్వల్ప ఆస్తినష్టం జరగ్గా రెండు రోజుల అనంతరం వివిధ శాఖల సమన్వయంతో యుద్ధ ప్రాతిపదికన నుమాయిష్​ను తిరిగి ప్రారంభించారు.
వ్యాపారులను ఆదుకునేందుకు ఈనెల 15వ తేదీతో ముగియాల్సిన ప్రదర్శనను 24 వరకు పొడిగించారు. నుమాయిష్​ చివరి రోజు ఆదివారం కావటంతో పెద్ద ఎత్తున నగరవాసులు సందర్శిస్తారని నిర్వాహకులు ఆశాభావం వ్యక్తం చేస్తున్నారు.