GHMC Officials Focus on Ganesh Idols Immersion Places : వినాయక చవితి పండుగ సమీపిస్తుండటంతో జీహెచ్ఎంసీ అధికారులు(GHMC Officials) నిమజ్జన కేంద్రాలపై దృష్టి పెంచారు. జోన్లు, సర్కిళ్ల పరిధిలో ఎక్కడెక్కడ నిమజ్జనాలు చేపట్టాలనే అంశంపై స్పష్టత వచ్చినా.. ప్రధానమైన హుస్సేన్‌సాగర్‌ విషయంలో అయోమయం ఇంకా వీడట్లేదు. ఇక్కడ ఏటా 50 వేలకు పైగా విగ్రహాల నిమజ్జనం(Ganesh idols Immersion) జరుగుతుండగా.. హెచ్ఎండీఏ, జీహెచ్ఎంసీ మధ్య సయోధ్య కుదరట్లేదనే విమర్శలు వస్తున్నాాయి.
GHMC on Ganesh Idols Immersion Centres : గతేడాది ఎన్టీఆర్‌ మార్గ్‌, నెక్లస్‌ రోడ్డులో చేపట్టిన సుందరీకరణ పనులు దెబ్బతింటాయని హెచ్ఎండీఏ అధికారులు(HMDA Officials) ఆందోళన వ్యక్తం చేయగా.. ఇప్పుడు పీపుల్స్ ప్లాజావద్ద సాగర్‌లో ఏర్పాటుచేసిన ఫ్లోటింగ్‌ ఫౌంటెయిన్‌(Floating Fountain) దెబ్బతింటుందని చెబుతున్నారు. పీపుల్స్ ప్లాజావద్ద ఎనిమిది నుంచి పది క్రేన్లు ఏర్పాటుచేసి నిమజ్జనాలను వేగంగా పూర్తి చేయొచ్చని.. జీహెచ్ఎంసీ, పోలీసు అధికారులు అభిప్రాయపడుతుండగా, జలవిహార్‌ పక్కన అదే మాదిరి ఏర్పాట్లు చేసుకోవచ్చని హెచ్ఎండీఏ భావిస్తోంది. కొత్త ప్రాంతంలో ఇప్పటికిప్పుడు ఏర్పాట్లు కష్టమని పోలీసులు చెబుతున్నారు. నిమజ్జనం వేగంగా పూర్తవకపోతే రహదారులపై ట్రాఫిక్‌ సమస్య, తర్వాత వచ్చే మరో పండుగకు ఇబ్బందులు తలెత్తే అవకాశముందని అంటున్నారు.
జోన్లలో చురుగ్గా.. : అయితే జోన్లలోని పలు చెరువులు, మైదానాల్లో నిమజ్జన ఏర్పాట్లను జీహెచ్ఎంసీ ముమ్మరం చేసింది. మైదానాలు, ఖాళీ స్థలాల్లో 22 చోట్ల నాలుగు నుంచి ఆరడుగుల లోతు గుంతలు(Excavation) తవ్వి, అందులో నీరు నింపి విగ్రహాల నిమజ్జనం చేపట్టనున్నట్లు అధికారులు అంటున్నారు. మరో 24 చోట్ల ప్లాస్టిక్‌ ట్యాంకులను నిమజ్జనానికి సిద్ధం చేస్తున్నామని చెబుతున్నారు. వేర్వేరు ప్రాంతాల్లో నిర్మించిన 28 నిమజ్జన కోనేరులను సైతం శుభ్రం చేస్తున్నామన్నామని.. వాటిలోని వ్యర్థాలు తొలగించి మంచి నీటితో నింపుతున్నట్లు యంత్రాంగం పేర్కొంది.
HMDA on Ganesh Immersion Sites : వినాయక విగ్రహాల నిమజ్జనం ఏర్పాట్లను నెక్లెస్రోడ్డులో నగర సీపీ సీవీ ఆనంద్‌(CP CV Anand), బల్దియా కమిషనర్ రోనాల్డ్‌ రాస్‌, హెచ్ఎండీఏ అధికారులు.. పీపుల్స్ ప్లాజా, జలవిహార్‌, వాహనాల పార్కింగ్‌(Vehicle Parking) బ్రిడ్జి వద్ద పరిశీలించారు. కొత్తగా ఆ ప్రదేశంలో నిమజ్జన ఏర్పాట్లు చేయాలని అధికారులకు సూచనలు చేశారు. అనంతరం అధికారులు ఎన్టీఆర్‌ మార్గ్‌లో ఖైరతాబాద్ విగ్రహాన్ని నిమజ్జనం(Khairatabad Ganesh Idol Immersion) చేసే ప్లాట్‌ఫారాన్ని కూడా సందర్శించారు. గతంలో ఒక క్రేన్‌ ఏర్పాటు చేసేలా ఉన్న ప్లాట్‌పారంను ఇప్పుడు వెడల్పు చేశారు. అక్కడ 3 క్రేన్లు పెట్టొచ్చని నిర్వాహకులు సూచించడంతో మొదటి రోజు నుంచే అందుబాటులో ఉంచాలని సూచించారు. ట్రాఫిక్‌ అదనపు కమిషనర్ సుధీర్‌బాబు, అదనపు కమిషనర్ విక్రమ్‌ సింగ్‌మాన్‌, ఈఎన్సీ జియావుద్దీన్, జడ్పీ వెంకటేశ్ దోత్రె, జోనల్ ఎస్ఈ రత్నాకర్, హెచ్ఎండీఏ ఎస్ఈ పరంజ్యోతి, అదనపు కమిషనర్ ఉపేంద్రరెడ్డి, సెంట్రల్‌ జోన్‌ డీసీపీ వెంకటేశ్వర్లు, అదనపు సీపీలు ఇందులో పాల్గొన్నారు.
వార్డు కార్యాలయాల్లో ఉచితంగా మట్టి విగ్రహాలు : జీహెచ్ఎంసీ ఆధ్వర్యంలో గణేశ్ చతుర్థి సందర్భంగా 3.1 లక్షల మట్టి విగ్రహాలు పంపిణీ చేస్తున్నామని.. కాలుష్య నియంత్రణ మండలి(Pollution Control Board) ఆధ్వర్యంలో.. మరో 90 వేల విగ్రహాలు పంచుతారని మేయర్‌ గద్వాల్‌ విజయలక్ష్మి అన్నారు. వార్డు కార్యాలయాలు కేంద్రంగా ఈ మట్టి విగ్రహాలను ఉచితంగా పంపిణీ చేయనున్నట్లు వెల్లడించారు. ఈ కార్యక్రమంలో నగర కార్పొరేటర్లు, ఇతర ప్రజాప్రతినిధులు, పౌరులు పంపిణీలో భాగస్వాములు కావాలని ఆమె కోరారు. అలాగే నిమజ్జన వేడుకల ఏర్పాట్లు వేగంగా జరుగుతున్నాయని చెప్పారు. జీహెచ్‌ఎంసీలో మేయర్‌ అధ్యక్షతన జరిగిన స్థాయి సంఘం సమావేశంలో మొత్తం 10 తీర్మానాలు ఆమోదం పొందాయి. కమిషనర్ రోనాల్డ్‌రాస్‌ మాట్లాడుతూ.. మట్టి విగ్రహాల పంపిణీ ఈ నెల 15న మొదలవుతుందని తెలిపారు. నగరంలో నిర్మాణ వ్యర్థాల సేకరణ, తరలింపును మెరుగు పరిచేందుకు జోన్‌కు 2 చొప్పున 12 నిల్వ కేంద్రాలు ఏర్పాటు చేశామని పేర్కొన్నారు. చుట్టుపక్కల వ్యర్థాలను అక్కడ నిల్వచేసి, పెద్ద వాహనాల్లో యాజమాన్య కేంద్రాలకు తరలిస్తాని వెల్లడించారు.
విభిన్నం.. వినాయకం : వినాయక చవితిని పురస్కరించుకొని మాదాపూర్‌లోని చిత్రమయి స్టేట్‌ ఆర్ట్‌ గ్యాలరీ(Chitramayi State Art Gallery)లో బుధవారం లార్డ్‌ గణేశా పేరిట చిత్ర ప్రదర్శన ఏర్పాటు చేశారు. ఈ కార్యక్రమానికి ముఖ్యఅతిథిగా.. ఆర్ట్‌ గ్యాలరీ డైరెక్టర్‌ కే లక్ష్మి విచ్చేసి ఈ ప్రదర్శనను ప్రారంభించారు. ఈ ప్రదర్శనలో భాగ్యనగరానికి చెందిన 70 మంది చిత్రకారులు గీసిన వినాయకుడి చిత్రాలు ఉంచారు. వినాయకుడి విభిన్న రూపాలను చిత్రకారులు కాన్వాస్‌పై అందంగా ఆవిష్కరించిన తీరు ప్రేక్షకులను ఆకట్టుకుంటుంది. ఈ ప్రదర్శన ఇంకా 20వ తేదీ వరకు కొనసాగనుంది.
Badhyatha Foundation Ganesh Festival 2023 : 'పండుగ పైసలు పల్లెకిద్దాం వారికి తోడుగా ఉందాం'
