దటీజ్ సజ్జనార్... అప్పడు, ఇప్పుడు ఆయనే!

దిశ హత్య కేసు నిందితుల ఎన్​కౌంటర్​తో సీనియర్ ఐపీఎస్ అధికారి సజ్జనార్ పేరు మరో సారి మారుమోగుతోంది. సామాజిక మాధ్యమాల్లో ఎక్కడ చూసినా సజ్జనార్​పైనే చర్చ జరుగుతోంది. కరడుగట్టిన నేరస్థుల ఆటకట్టించడంలో ఆయన వ్యవహరించిన తీరు గతంలోనూ అభినందనలు పొందింది. రాష్ట్రంలో పలు ఆపరేషన్లలో సజ్జనార్ కీలక పాత్ర పోషించారు.

సజ్జనార్... సజ్జనార్... ఉదయం నుంచి ఎక్కడ చూసినా ఆ పదమే వినిపిస్తోంది. దిశ హత్యాచారం కేసుల దర్యాప్తులో సైబరాబాద్ పోలీస్ కమిషనర్ వీసీ సజ్జనార్ కీలక పాత్ర పోషించారు. దర్యాప్తు కోసం బృందాలు ఏర్పాటు చేసి... చివరి వరకు వారికి అనుక్షణం మార్గదర్శనం చేశారు. ఐజీ హోదాలో సైబరాబాద్ పోలీస్ కమిషనర్​గా ఉన్న సజ్జనార్​కు... అంకిత భావంతో... పక్కా ప్రణాళికతో పనిచేసే సమర్థవంతమైన అధికారిగా పేరుంది.

వరంగల్​లో ఎన్​కౌంటర్​...

కర్ణాటకకు చెందిన సజ్జనార్ 1996లో ఐపీఎస్​కు ఎంపికయ్యారు. వరంగల్​లో ఇద్దరు యువతులపై యాసిడ్ దాడులకు పాల్పడిన ఇద్దరు యువకులు... 2008 డిసెంబరులో ఎన్​కౌంటర్ అయినప్పుడూ... అక్కడ ఎస్పీగా ఉన్నది సజ్జనారే. ఆ ఎన్​కౌంటర్​తో అప్పట్లో సజ్జనార్ ఒక సంచలనం అయ్యారు. ఇప్పుడు దిశ నిందితుల ఎన్ కౌంటర్ సందర్భంగా సీపీగా ఆయనే ఉండటంతో.. ప్రజలు సజ్జనార్​పై అభినందనల వర్షం కురిపిస్తున్నారు. వాట్సప్ స్టేటస్​లు, డీపీలు సజ్జనార్ ఫోటోలతో నిండిపోయాయి. ఫేస్​బుక్, ట్విట్టర్లలోనూ సజ్జనార్ ఫోటోలు, వీడియోలు హల్ చల్ చేస్తున్నాయి.

అప్పుడూ కూడా ఆయనే...

ఉమ్మడి మెదక్ జిల్లాలో 2010లో కానిస్టేబుల్​ను హత్య చేసిన అంతర్జాతీయ గంజాయి స్మగ్లర్ భిక్యా ఎన్​కౌంటర్ జరిగినప్పుడు... అక్కడ ఎస్పీగా సజ్జనారే ఉన్నారు. సుదీర్ఘకాలం ఇంటెలిజెన్స్​లో ఎస్పీగా, డీఐజీ, ఐజీగా పని చేసిన సజ్జనార్... పలు ఆపరేషన్లలో క్రియాశీలకంగా వ్యహరించారు. కౌంటర్ ఇంటెలిజెన్స్, ఎస్ఐబీల్లో పని చేసినప్పుడు.. వికారుద్దీన్ అరెస్టు, ఎన్​కౌంటర్, నయీం ఎన్​కౌంటర్ తో పాటు... దేశవ్యాప్తంగా పలు ఐసిస్, ఇండియన్ ముజాహిదీన్ ఉగ్రవాదుల ఆటకట్టించడంలో తెర వెనక సజ్జనార్ కీలక భూమిక పోషించారు.
వీసీ సజ్జనార్​... నేరస్థుల పాలిట సింహస్వప్నం... మహిళలకు అన్యాయం చేస్తే యమపాశం విసురుతారనే నమ్మకాన్ని ప్రజల్లో కలిగించారు ఈ పోలీస్​ సింహం.

ఇవీ చూడండి: మృతదేహాలు 9వ తేదీ వరకు భద్రపరచండి: హైకోర్టు ఆదేశం